英國星級粉底 Charlotte Tilbury「Magic Foundation」用後感

英國著名星級品牌 Charlotte Tilbury，有留意化妝品資訊的話一定識得啦! 😙

事關佢短短幾年間已經躍升至 A list 榜，好多國際一線明星 / 名模都係用家，創辦人又係星級化妝師，一推出時就已備受注目，半年前仲進駐埋 HK 連卡佛，令一班本地 fans 唔使再海外郵購~

而今次 review 嘅就係 Charlotte Tilbury 呢支皇牌「Magic Foundation 粉底液」喇 →

我呢支係响德國專櫃買的 →

雖然 HK 亦有專櫃，但就只得 IFC 同海港城連卡佛有，由佢殺入 HK 到而家我一直都未時間去行，咁啱上月去德國旅行時見到有就買了，襯冇乜人又順道試埋佢其他化妝品~

介紹「Magic Foundation」之前，先講講 Charlotte Tilbury 另外 2 款粉底~

新出嘅「Hollywood Flawless Filter」珠光底霜粉底 →

賣點係可以用做妝前 makeup base，亦可以當粉底液用、甚至可用响粉底後作為光影提亮，可令肌膚散發自然亮澤，輪廓更分明。 

簡單的說就係一支含精華油成份嘅 "有色 highlighter"，個人認為等於一支 "好重珠光嘅薄身粉底"，質地雖然好滋潤柔滑 + 好貼皮膚 + 有滿滿光感，不過呢支我試完並冇買到，因為個光澤感實在太重了，搽上面後好反光，感覺亦較油膩，於 HK 潮濕天氣用似乎不太合適。

至於另一皇牌「Light Wonder」粉底液 →

雖然質感好保濕貼面，不過我就略嫌佢比較薄身唔夠 coverage，所以都係冇買到。

最後買咗今次介紹呢支「Magic Foundation」粉底 →

鐘意佢貼面滋潤之餘又夠遮瑕度 😍

Magic Foundation SPF15

✔︎ 乳霜質感，感覺輕盈，仿如第 2 層肌膚

✔︎ 遮瑕度高，輕易塑造無瑕妝效

✔︎ 能修飾填充細紋及毛孔，平滑肌膚

✔︎ 有效緊緻肌膚

✔︎ 半啞緻妝效，效果持久

$360 / 30ml @ 連卡佛

採用泵裝設計 →

由於遮瑕度頗高，伸展度亦奇高，建議每次使用 1/3 泵份量就夠，一泵會太多太厚粉

屬乳霜狀質地，質感比普通粉底更柔滑、更順暢易推 →

上粉效果 x 室內燈光下 (未掃碎粉) →

搽嘅過程經已 feel 到粉底質地極度柔滑，效果非常貼面而且自然，感覺保濕得來又唔會反光油琳淋，皮膚透到氣零油膩感，仲連所有毛孔 / 紋理都填平到，令到皮膚望上去好平滑，有美圖 feel 效果! 😍

試過配合用 beauty blender / 手指 / 濕粉掃上粉，都完全唔覺得厚粉或者乾，就連平時鼻翼乾燥位都好貼粉~ 

至於遮瑕度係屬中高，均勻到膚色之餘可 cover 約 8 成泛紅色素 / 黑眼圈，但斑斑就只可 cover 到一半，暗瘡印則遮唔到。

户外太陽自然光下 (未掃碎粉) →

我覺得佢係樣樣都好，唯一缺點係持久度並唔高，仲要係低嗰種.....

以全日留於冷氣房內計，就算掃咗碎粉定妝都只可 last 約 3-4 小時，而室外行走 x 30 幾度天氣下計，係一出汗個妝就溶晒!

試過上完粉行出露台晾衫，曬咗約 5 分鐘有出少少汗水，行返入屋時個妝已經冇咗一半，汗水係帶有粉底色的，防水防汗度係零 👎🏻

所以呢支 foundation 係只適合秋冬 or 外國清爽天氣下用吧? 夏天我唔建議買了.....