Mud mask (深層潔淨泥膜) 好多人都用過，市面上各牌子黑泥 / 白泥 / 灰泥等等實在多不勝數，但無論幾好用嘅 mud mask 都始終難逃一個缺點，就係乾.....
敷完後嗰種乾爭爭嘅繃緊感覺，令到你唔跟手敷多個保濕 paper mask 都唔掂..... 😩
而 Origins 7 月新登場嘅「CLEAR IMPROVEMENT ™竹炭蜂蜜滋養面膜」就完全解決咗呢個問題喇! 新配方係結合咗活性炭 + 蜜糖，有效溫和深層淨化同時滋潤肌膚~
我試用過覺得呢盒 mask 係好值得買呀!! 快啲去望望~ 😍
"竹炭 + 蜜糖" 呢個配搭的確係好新穎，有創意 🎍🐝🍯
先睇睇產品資料 →
CLEAR IMPROVEMENT ™ Charcoal Honey Mask
竹炭蜂蜜滋養面膜
蘊含來自世界各地的優質黃金野花蜂蜜 + 發酵蜜糖 + 被譽為 "黑鑽石" 的翠竹活性碳 + 來自中國的純淨白泥陶土，具天然強大吸附力，如同磁鐵般吸出毛孔深處污垢及黑頭白頭，深層潔淨毛孔，同時具滋潤肌膚、排毒、抗炎及抗敏、舒緩鎮靜脆弱肌膚功效。
為全新創造具深層潔淨 x 舒緩滋潤並存之配方，更加適合乾性及敏感肌膚人仕使用。
$310 / 75ml @ https://www.origins.hk/
(trial product given by Origins)
最近仲做緊 promotion，7/7 至15/7 期間於朗豪坊 4/F BEAUTY AVENUE Origins 專櫃購買呢盒「CLEAR IMPROVEMENT™竹炭蜂蜜潔淨滋養面膜」，每日首 55 名顧客即可獲贈 Origins x iCREMERiA "限量版竹炭蜜糖雪糕券" 乙張 (價值 $68)。
呢款 "竹炭蜜糖雪糕" 係 Origins crossover iCREMERiA cafe 特別調製的，只會出售幾日咋!
我試過係極度濃郁好味!! 雪糕控係時候出動 😋
外貌上同一般 mud mask 嘅分別係，呢盒 Origins 面膜因為加入咗蜜糖，所以係帶有金色光芒的，顏色亦比一般 mud mask 較淡，並非實灰色 →
嗰種金色光芒於陽光底下睇會更覺眼，而且仲有光澤感的 →
感覺似係敷緊保濕 mask 多過 mud mask →
搽勻後仍然可見到有金色光澤感 →
由於冇一般 mud mask 咁乾，所以就算敷埋眼底都唔會覺得乾~ 👍🏻
8-10 分鐘變乾後 →
可見到嗰種金光冇減弱過，摸上去個乾咗嘅 mask 度係好似有層膠膜滑滑哋咁，有膠面 18 銅人 feel~ 😂
過水洗面時已經 feel 到皮膚好 soft、好滑嫩，抹乾後仍然摸到塊面係柔滑軟綿綿的，完全唔覺得乾，零繃緊感，如同一次過敷完清潔 + 保濕 mask 咁，絕對係我用過嘅無數 mud mask 之中最適合 dry skin 用的~
至於膚質上嘅改善係會見到膚色均勻咗、白淨咗、柔嫩咗、光滑咗、毛孔亦收細咗啲啲，仲有粒千年白頭吸到出嚟 (跟手俾我唧走埋)! 潔淨度的確係唔錯!
呢盒好有驚喜，推介推介~~ 😍
用完要再用保濕mask 嗎?
回覆刪除可以不用~
刪除