Estee Lauder 2018 夏季新升級版「Double Wear 持久透亮氣墊粉底 SPF50 PA ++++ 」Cushion Foundation 用後感

Estee Lauder 2 年前推出嘅「Double Wear 持久透亮氣墊粉底」，備受一眾用家 + 編輯推薦，風頭曾經一時無兩! 😌

而最近佢又新出咗呢款專為夏天而設嘅「升級版」，唔知效果又點呢?~

等我又分享一下用後報告啦~

可能呢盒 upgrade 版實在太新，我見 HK 官網 + facebook 專頁都仲未有介紹，只找到台灣的廣告 →

至於同舊版「Double Wear 持久透亮氣墊粉底」外形上嘅分別......

舊版係藍黑色膠盒 + 霧面金蓋 →

vs. 新版係全金色金屬鏡盒 + 立體 logo 浮雕設計 →

外型上的確係靚咗好多，貴氣又霸氣咗 😍

產品資料 →

Cushion BB All Day Wear Liquid Compact SPF50 PA ++++

持久透亮氣墊粉底 SPF50 PA ++++ (升級版)

承襲了 Double Wear 粉底系列的完美底妝優勢，卻更提高了完美底妝的持妝力，注入獨家 24 小時超持妝科技，以多種美顏果實中萃取天然植物精華，為肌膚提供源源不絕水份，維持保濕護膚效果，同時能維持油水平衡。

粉底質地細緻絲滑，薄薄一層就能均勻貼服肌膚，打造平滑的絲絨光感，更加入冰水海藻精萃，使底妝輕盈不厚重，即使反覆輕拍上妝，近距離亦毫無破綻，絕無厚粉感，持久度長效達 8 小時。

大約係 $390 (粉盒連 1 個粉底 / 不連 refill) @ https://www.esteelauder.com.hk/

(trial product given by Estee Lauder)

至於功能上與舊版又有乜分別?

持久度再升級：添加超持妝科技，持久度長效達 8 小時

强效加强遮瑕：打造一拍柔焦、再拍無瑕的妝感

冰鎮控油配方：添加冰水海藻精萃，持續補水保濕，同時具控油功能，炎夏保持清新舒適

更服貼更輕盈：底盈服貼不厚粉，近看亦無懈可擊

試用色號 #1W1 Bone →

以我膚色計 #1W1 Bone 係有少少淺色，初初搽上面係覺得白咗一號.....

但奇在搽勻全面隔一陣與皮膚融合後，又唔覺得係咁白喎! →

(不過都係深一度色會更夾)

妝效係屬於透薄一類，感覺自然，就算印 2-3 層亦一啲都唔厚妝，皮膚透到氣完全唔侷身，膚質望上去亦好通透，仿如 second skin 一樣，同時又有足夠遮瑕度，能夠均勻到暗沉不均膚色，亦 cover 到我的偏黃 + 偏紅色素 👍🏻

至於黑眼圈 / 斑斑 / 泛紅就只 cover 到約 6 成左右，不過以咁透薄嘅粉底嚟講，遮瑕度經已算好好喇! 但如有暗瘡印 / 好深黑眼圈就應該唔夠力遮，要另外再搽遮瑕膏。

要讚嘅係粉底質地非常柔滑、順暢易推勻、冇卡粉問題、極度貼面~ 😍

貼面程度可稱得上係非凡呀!

由於呢盒 foundation 主 sell "半保濕、半控油"，所以都估到並非潤身質感一類，保濕感屬輕微，但至少以我 dry skin 夏天用亦唔覺得乾，鼻翼偏乾位置亦冇出現任何乾到卡粉問題，保濕感係剛剛好~ (但如於秋冬皮膚再乾啲用就應該唔得了)

至於持久度，以留响 indoor 計大約可 last 6 小時，而 outdoor 行走計約可 last 3 小時，期間底妝會漸漸變薄，但就冇任何浮粉 / 變色問題，出油情況亦不嚴重。

光澤感方面只有少少 (圖為未掃碎粉)，掃埋碎粉定妝後更加係零反光、啞緻清爽 feel，好適合夏天使用~ 👏🏻

自覺妝效係非常唔錯，好適合鐘意淡妝的人用，推介俾混合肌 / 少少偏乾的皮膚 summer 用~