2018年7月21日 星期六

韓國 Treatroom「9 秒神水」護髮精華用後感 Nine Coating Water Treatment

韓國大大大熱呢支「9 秒神水」護髮精華,實在 hit 到難以形容~ 

雖然已經推出咗半年有多,但仍然大把人捧場,講到用咗佢之後,只需 9 秒連經常漂染嘅雜草頭都會變瀑布咁勁呀! 😲


睇片的確係好吸引~ 

但到底係咪真有咁勁呢? 😌


先睇睇產品資料 →

含有 17 種氨基酸 + 維他命 A、B、C、E、K、P + 鎖水因子 Lipidure-PMB 及 Amino Acid Complex 成份,以專利技術 "Phase Inversion" 使液體精華遇水即轉換為乳霜,能加快將營養滲入髮芯,再形成為保濕層,有效修復髮芯結構、順滑毛躁、預防鬆散、抗氧化、回復光澤、改善髮質。不含添加化學成份 / 矽等致害化學物。

使用方法:洗頭後,以「9 秒神水」代替護髮素使用,唧落濕髮按摩 9 秒後過水清洗便可 (需避開頭皮),可每日使用或每星期使用 2-3 次。


$115 / 230ml @ SaSa

由於經已推出咗一排,價格亦已回落 😙


用後感 →

大家知我係長期漂染嘅雜草頭,雖然有咗 BB 後就冇再染,但因為以前已經漂染過太多次,損傷係積落的嘛,而家把頭髮係勁易斷、勁多 fizz、要梳好多次先梳得開嗰種,受損程度完全與「9 秒神水」video 內班韓妹妹同 feel..... 

So far 用過支神水幾次,發現如使用份量太慳、唧落掌心搽上頭髮係唔 work,必定要學官方 video 內咁,成支直接唧落頭髮中至尾段用先 work,而我每用一次大約會消耗 1/10 支,即每支約可使用 8-10 次,視乎頭髮長短。

雖則用後頭髮係順滑咗,但改善只屬普通級數,即用咗總好過冇用嗰隻,並冇變瀑布,亦冇所講般咁神,同我平時用 hair mask 冇乜分別 (我係慣用 hair mask 取代護髮素的),所以有少少失望呀,官方 video 好明顯係吹順咗把頭髮先拍囉 ...... 🙁

都係我以前推介過嘅「Wella SP 頭髮神仙水」同「Oway Serum / hair mask」勁啲~


Wella SP Liquid Hair 頭髮神仙水:

Oway hair serum:



沒有留言:

張貼留言