話晒已經係第 3 胎, BB 䕶膚品必定試過唔少啦~
話說 10 年前哥哥出世時, BB skincare 選擇得好少, 來來去去唔係用「強生」就「施巴」(但哥哥用「強生」會敏感起紅疹)。5 年後到妹妹出世選擇已經多咗好多, 仲有唔少天然有機牌子揀𠻹! 到而家又過咗 5 年, 輪到細佬出世選擇當然就更多啦~
今次推介嘅 6 款 BB 䕶膚品牌, 其實用過冇話邊隻特別好啲, 至少用完冇出現過敏感, 成份亦全部適合嬰幼兒使用~
Burt's Bees 天然寶寶護理系列 →
全系列有 body lotion + 沐浴露 + 洗頭水 + 尿片膏 + 萬用軟膏等等, 98%-99.8% 天然安全成份, 採用不刺激眼睛配方, 不含硫酸 / 酞酸鹽 / 石化物 / 苯甲酸酯, 唔會刺激 BB 皮膚, 經兒科醫生驗證為防過敏配方。
售價每件為 $89-$99，外型上最靚係佢，送禮一流 🎁
Burt's Bees 專門店、部份萬寧及屈臣氏有售
FANCL 嬰兒護理系列 →
FANCL 出名在無添加, BB 系列當然亦唔會添加防腐劑 / 礦物油 / 香料, 配方溫和潤澤, 呵護嬰幼兒幼嫩肌膚。全系列只有 body lotion + 沐浴露 + 洗頭水, 選擇唔多但夠用。
售價每件約 $110-$160, 各大 FANCL 專門店有售
https://www.fancl-hk.com/嬰兒護理系列
澳洲 Anumi 純天然有機寶寶護理系列 →
呢個 BB 系列以前 Yahoo blog 年代有推介過, 不過已經揾唔返了.....
全系列有舒敏精華油 + 保濕乳 + 二合一洗髮沐浴露 + 沐浴油 + 防蚊水 + 天然萬用油等等, 為純淨 100% 天然有機成份, 獲全球其中一間最嚴格的有機認證機構 Organic Food Chain (OFC) 獨立認證, 有機成份及品質皆有保證。
售價每件為 $98-$218, 比其地品牌略貴, 但成份及有機品質保証最強 👍🏻
澳洲 CROP Naturally Derved Junior 天然寶寶護理系列 →
CROP 係澳洲有名氣嘅成人 skincare 品牌, 亦有推出 BB skincare, 蘊含 95% 以上天然無基因改造成份, 不含 Parabens 防腐劑 / 礦物油 / 石化原料等化學成份。不過種類選擇並唔多, 印像中 HK 有售嘅就只得 bubble bath + body lotion, 勝在有 500ml 夠晒支! 😃
如冇記錯每支大約係 $150 蚊內 @ SaSa 有售
當然唔少得自己店舖有售嘅匈牙利「Marine Elements™ 深海肌元」抗敏防濕疹系列啦! →
全系列有 body lotion + 沐浴露 + hand cream + 面霜 + 敏感霜等等, 歐洲科研創製, 匈牙利製造, 不含藥性 / 香料 / 類固醇, 大人 / 小朋友 / BB / 孕婦都用得, 成份被世界綠色組織列入為 "安全正面清單", 測試證明可安心給予嬰幼兒 + 敏感及濕疹肌使用 👍🏻
售價每件為 $68-$188, 每次自己或小朋友敏感爆發時, 都係用佢 2-3 日內 K.O!
2 星期前細佬成塊面出晒凸起嘅粒粒 (BB 粉剌 baby acne), 有紅有唔紅, 總之成塊面都變得 "鞋烚烚" →
試過中式方法㷛金銀花水抹面幾日冇效, 搽過 BB 草本萬用膏幾日又冇效, 結果係用「Marine Elements」支 Intensive Cream 薄搽 3 日攪掂咗! 👏🏻
呢支 Intensive Cream 已經救過我全家嘅敏感好多次, 估唔到對 baby acne 都咁有效~ (冇藥性同類固醇㗎)
最後梗係唔少得大家熟悉嘅「施巴」啦 →
我 3 胎都係用佢嘅尿片膏 (約 $99)~
而沐浴露 / body lotion 等等亦 ok, 不過就冇咩特別, 唔係天然有機無添加, 又冇乜特別效能, 只勝在周圍都買得到夠方便, 所以認為而家市面上選擇多咗咁多, 沐浴露 / body lotion 就唔一定要揀佢了。
沒有留言:
發佈留言
注意：只有此網誌的成員可以留言。