Makeup Secret: 有圖有真相 😙 產後「古法紥肚」收腹修身真係得??

雖然我本身係瘦底, 但懷孕後期同產後亦難免腫過豬頭...... 😔

加上已經係第 3 胎, 個肚唔鬆就假, 生完都仲好似有 6 個月肚咁..... 我仲記得生完第 2 晚護士經過望一望我個肚問 :「咦? 乜你仲未生咩? 未生點解響產後病床嘅?」真係 hurt 爆呀 😅

生完 2 星期個肚仍然有咁大, 淨係著得入孕期褲, 連束腰褲 XL size 都著唔落 →

一早知自己今胎個肚大 + 高齡產婦修身慢 + 想快啲修返身型, 如果只靠自己著束腰褲 + 搽瘦身 skincare, 真係唔知要等到幾時先掂呀! 所以我早於 6 個月前就已經 book 定「上門古法紥肚」, 雖然唔係平, 但果然係冇決定錯喎~~ 👍🏻

「古法紥肚」除咗係為加快產後修身收肚, 回復線條, 仲可以幫助子宮及內藏迅速歸位 + 去肚風 + 排縮便 + 加強腰腹承托, 通常係產後第 3-6 星期開始做最 perfect (視乎順產定開刀)。

市面上亦有好多紮肚專門店, 但大部份都要自己搭車去專門店做, 咁坐緊月當然唔想日日走出街啦! 一來身體未復原, 二來我出咗去邊個湊 B 餵奶? 所以上門響屋企做一定係最 good, 懶人首選~ 😁

其實紮到咁行出街真係唔太方便, 上門紮會好好多 →

不過好多紮肚師通常只做腰腹, 唔做全身, 過程包做嘅項目亦唔夠全面..... 所以我最終係揀咗有朋友用過、專做上門嘅全職紥肚師做, 好處係會做全身 + 過程包做嘅項目多啲 + 易話為啲, 冇咁多條款限制更 flexible, 亦唔會被限死規定做乜就做乜咁~

重點係只得 1 個紥肚師 (同時亦係香薰治療師 / 催乳按摩師), 質數有保証, 唔使怕做做下會換咗人。

至於 package, 由於有分唔同日數 / 過程時間長短可以揀, 可自行 click 入去望望~

(預產期 6 個月前 book 會有 9 折)

產後紮肚坊 👉🏻

https://www.facebook.com/產後紮肚坊-180584802533057/

要紥幾耐先 work?

最少連續紥 10 日, 每日紮 8-10 小時, 技師整完就會走, 晚上自己再拆走紮布。

而需要邊款 package 主要係視乎自己身型有幾肥腫, 我係 join 15 日 (1.5 小時) package 的, 暫時紮到第 10 日效果經已好好, 但要修得再好啲咁就當然係紥多幾日更好啦~ 🙌🏻

同埋都好視乎你平時按摩受唔受到力, 因為紮肚前會有按摩過程, 某啲位按落去會有少少痛的, 但唔用力又做唔到效果, 所以如果唔受得力、掂下都痛的人, 咁紥 10 日效果就會唔夠, 日數就要增加了。

由胸底紮到包住 hip 位, 胃腩 + 肚腩 + 腰背 + call 機肉 + 盤骨一次過修型 →

過程會做啲乜? 要幾耐左右?

我聽朋友講佢哋幫襯星級紮肚中心整係淨做腰腹, 按摩完就用布紮 (只包一款紮布帶), 過程係 30-45mins 就走得。

而我揀嘅上門紮肚師就唔止做腰腹, 仲會做埋背 + 手臂 + hip + 大腿 + 小腿, 有時係日日全身做, 有時係重點做某啲位, 而紮布帶係會一次過用 2 款加倍強度, 過程約 1.5 小時。

內容除咗有人手精油淋巴按摩, 仲會用瘦身機 + 腹部暖宮 + 肚位敷草本 mask 等等, 做完之後先紮肚, 係好整備嘅全套服務! 👏🏻

每日都會一次過紮 2 款紮布帶 👆🏻👇🏻

而縛法仲會因應修身進度而轉變𠻹~

價錢 💲

朋友幫襯過嘅星級紮肚中心係 $20000 蚊 10 日 / 45 mins (只做腰腹 / 不包做機 / 不包上門)

而我幫襯嘅上門紮肚師, 折後係約 $16000 蚊 10 日 / 1.5 小時 (做全身 / 包做機 / 上門), 另有 $12000 蚊 10 日 / 1 小時 package。

另外亦有見到市面上有啲 $980 一次的 promotion (只做腰腹 / 不包做機 / 不包上門), 睇落好似好平, 但其實你計返 10 日都係要一萬。

咁多間點揀好?

價錢當然係考慮因素, 星級效應我反而唔會理, 最需要考慮嘅都係佢包做邊啲部位 + 包唔包做機 + 過程時間做幾耐 + 上唔上門等等 (我主攻揾可上門的) 。

個人認為懷孕期整個 hip 位 + 大腿小腿 + 手臂..... 基本上係全身都會暴漲, 單做腰腹根本唔夠, 做 full body 會修身得更全面! 而且俾得咁嘅錢梗係想有效果, 如果做嘅過程時間太短, 只係搽啲油按幾按再紮就完, 咁我不如自己著束腰褲好過了。😓

我覺得要有效果單靠塊布紮住係唔夠, 一定要按摩得夠耐 + 做埋瘦身機先得, 否則俾咁嘅錢就唔抵了!

紮後著返衫遮住亦並非太礙眼, 不過就會 feel 到好緊 →