家有 baby 又點可以冇床欄?~
BB 大約 4 個月已經識翻身 + 開始學爬, 好容易碌落床, 而床欄就可以防止意外發生, 一直去到 3-4 歲都可以預防小朋友反瞓碌落床~
對新手父母嚟講, 買床欄唔知頭唔知路, 買得到嘅地方又唔多, 好多時見 ToysRus 有得賣就會去 ToysRus 買, 但我買過 2 塊就覺得麻麻哋, 款式選擇仲勁少, 其實唔介意的話, 反而淘寶會有更多高質量選擇呀! 不過當然要睇清楚評價啦 😉
同好多其他物品一樣, 床欄都係要買返去用過先知好唔好用 / 夠唔夠穩陣, 話晒屋企有 3 個寶貝, 每個相隔 5 年, 床欄就買過 3 塊, 見 FB 有好多讀者都剛剛生完 BB, 不如就分享少少揀床欄嘅心德俾新手爸媽參考一下啦~
我過往於 ToysRus 買嘅 2 塊 $399 床欄係右邊嗰款「傳統翻褶式」 →
一睇就知會好嘥位, 床邊半米範圍都唔可以放嘢, 個關折位用耐咗仲好易爛 (係裂開)......
所以今次係買咗左邊 $99「升降款」, 慳位好多! 😙
實物圖 →
床欄一解鎖條槓就可輕易推低, 慳位又方便 👍🏻
下圖條槓我未推至最低, 推低晒係無需跨欄上床的
高度仲可以根據床褥厚度自己調整, 幾厚幾薄嘅床褥都用到→
我揀嘅呢塊係德國 design, 內地製造 →
好明顯就係外國外貿貨單 copy 出嚟自己生產, 畢竟好多外國牌子都係 made in China, 不過都要睇多幾間, 睇清楚用家評價, 我自己都睇咗成個月先決定買呢間。
淘寶 link →
我買嘅係 1.5 米長度, 售價只係 ¥ 99 !!
另有 1.2 / 1.8 / 2.0 / 2.2 米長度揀, 最長嘅都係 ¥ 159
唔過 2 米都仲用到順豐集運
而對父母嚟講, 價錢平貴 or 有幾慳位方便都僅屬次要, 最 concern 嘅都係 safety 問題!
我嗰塊用咗 2 個幾月, 係非常實淨穩陣 + 零氣味, 睇落仲要幾高檔𠻹, 塊布嘅密度亦好高, 仲有拉鍊位可拆出嚟清洗 👍🏻
當 BB 去到 1 歲幾時, 少不免會企高不斷搖條槓試圖擒出嚟, 我試過叫 5 歲妹妹 + 10 歲哥哥大力搖過都 ok, 係好實淨, 以小朋友力度不足以催殘到塊床欄。
而高度都有成 90cm, 係頗高下 →
唔使怕 BB 將來識行識企嗰陣會輕易擒到出嚟, 比 ToysRus 的更好 😉
佢仲有分童鎖款 (兩邊各一推掣鎖) / 單手開關旋槓款 (單邊一個按掣鎖), 我買嘅係後者 →
單單按掣並唔會開到鎖, 係要按住個掣 + 同時旋轉扭動條槓先開得到, 開完右邊仲要開埋左邊, 所以幼兒係唔會夠力開到, 都頗安全。
但去到 5-6 歲左右識得開就唔出奇喇! 🤔
所以大個咗就唔可以當係圍欄困住佢, 但亦可防止瞓覺時碌落床 。
當然用咩用耐咗都會有損耗嘅一日, 但比起「翻褶式」床欄,「升降款」損耗就好似會冇咁大 →
以前用過 2 塊「翻褶式」, 個關折位都係用到 1 年左右就開始爆開, 可能係因為每次開關都有機會碰撞到床板吧? 反觀「升降款」用時就只係拉上拉落, 唔會碰撞到任何嘢~
我張床係有床板的都 fit 到 →
有關詳情資料也可click 入 升降款 baby 防摔欄 床欄 自行研究一下~
個人認為就算唔淘寶買, 外出買都應該揀呢類「升降款」更實用, 一定要夠高先可防止 BB 到 1-2 歲時擒到出嚟。
而淘寶買就勝在款式多, size / 高度 / 物料選擇都多, 由幾十至二三百都有, 海外牌子代購亦都有, 好過通街走來走去周圍揾~ 😉
沒有留言:
發佈留言
注意：只有此網誌的成員可以留言。