熱銷全球嘅澳洲「YPL 瘦腿消脂 (小狗褲)」到底有冇效?

呢條暢銷全球嘅「YPL 瘦腿褲」我之前考慮咗好耐先買, 主要係因為唔多信一條 $200 蚊嘅 leggings 能夠瘦腿消脂咁神奇 😆

而最後 convince 自己買嚟試嘅理由係......

有效就當 bonus, 冇效咪當買咗條貴少少但 quality 好啲嘅 leggings 囉, 咁都係自己著返啫, 諗深一層都冇話蝕嘅 😂

究竟佢真係一件瘦腿神器, 定又係煲大咗嘅銷售技倆? 繼續睇落去自有分曉~

In case 大家唔知佢係乜東東.......

話說呢條 YPL leggings 布料內含獨特嘅「消脂成份微膠囊」+ 遠紅外線纖維燃脂科技, 著起後能透過摩擦將瘦身成份滲透入皮膚, 而且成份並唔會因為清洗而流失 (佢話可機洗, 我建議手洗), 更可促進汗液同油脂排出, 而最吸引人嘅重點係 →

佢號稱著上 10 分鐘就能燃燒 535 卡路里, 相等於慢跑咗 2 小時 / 游水 1 小時 / yoga 1 小時 / sit up 咗 200 下 / 震動咗 2500 下! 講到話「slim while you sleep」咁誇張! 😳

我覺得「著住瞓都瘦到」又真係多咗啲~ 😅

其實諗都諗到, $200 蚊咋喎! 邊有著起就自動識得瘦咁著數吖! 唔做運動單著肯定冇效啦!

所以我今次嘅 review 都係「著住嚟做 gym 會唔會加強到減肥效果」, 都係現實啲好~ 

由澳洲 hit 到歐美再攻陷亞洲, 全球好多名星 / 名模 / KOL 都著緊, 姑勿論佢效果真 work 定假 work 都已經贏晒喇! 每人買 1 條都夠佢上市了 😂

就因為太出名, 所以假貨亦極多, 而真貨就會有 QR code 可認証 →

HK 唔少網店有代購, 價錢由 $199-$240 不等, 可自行 search search 揾間有信譽嘅先至買。

澳洲 YPL 官網 : http://www.ozypl.com.au

而佢最獨特嘅地方, 就係褲腳呢個狗仔圖案,  所以又被稱為「小狗褲」→

當運動時體溫升至 38 度或以上時, 呢隻狗仔就會由紫色變白色, 作用係等你目測到自己有冇 burn 緊脂肪, 聽落都真係幾 unique + 有趣味性㗎! 

不過~~ 狗仔變白色都只係代表你運動時 body temp 升到 38 度啫, 並唔等於係 burn 緊脂肪, 做運動嘅人都知頭嗰 30-40 mins 都只係 warm up 狀態, 係冇嘢 burn 到, 一定要持續做先有成果, 道理大家明啦~ 

又如果你已經做運動做到爆晒汗, 咁其實都唔使隻狗仔話你知你體溫升高咗啦! 所以我會覺得隻狗仔實際效用並不大, 只係當你見到佢變白色時「自我感覺會良好咗」😂

另一特別之處係條 leggings 本身有淡淡薰衣草香味, 聞說要洗 30 次後香氣先會漸漸消失~

有分 4 款型號 →

第 1 代 Original 版 = 薄款 (有狗仔圖案)

第 2 代Upgrade 版 = 厚款 (冇狗仔圖案)

第 3 代 Cat Walk 款 = 厚度中等  (冇狗仔圖案)

3D Yoga 款 = 厚度中等  (冇狗仔圖案)

全部都係 free size, 不過彈性就好高

「薄款」請想像係一條密不透風嘅緊身襪褲, 薄過普通棉質 leggings 但厚身過襪褲, 密度係極高唔會薄到透現底褲。

「厚款」雖然係厚身好多, 不過內裡係冇加絨的, 只係布料本身厚啲咁解, 約比普通棉質 leggings 厚 2 倍, 如同冬天 leggings 再厚少少, 密度又係勁高。

厚薄分別 →

老實講, 夏天著厚款真係熱侷到一個點! 

不過既然買得消脂褲 key point 都係想熱少少, 令體溫升高加強燃脂效用吧? 所以我係買厚款

一係唔買, 一買就去盡啲嘛~ 🤣

而無論係邊一款, 佢個 bikini 位設計都係有 up lift 提升肉肉嘅皺褶紋 →

我覺得係似襪褲多過 leggings 囉 😆

所以唔好以為真係可以著出街, 佢只係睇相似 leggings, 但近睇其實係厚身襪褲~

就例如我每次著起呢條 YPL, 老公一眼就分得出會問「哦? 你落去做 gym?」

完全解破到唔會因為條褲夠黑夠厚, 其他人就睇唔出你著緊嗰條係襪褲, 唔係 leggings 🤣

我覺得著去做 gym / 去跑步係 totally fine, 一睇就知係 work out 裝束, 冇乜所謂~ 🏃‍♀️

但嚴格嚟講就唔可以好似一班外國明星咁, 當普通 leggings 加件短 top 咁著去行街喇, 除非你件 top 能蓋過 hip 位啦, 否則私處 + hip 位都會現晒形, 始終 HK vs. 外國 style 都係有分別, 鬼妹仔唔多 care 私處現形, 但我好 care 🤣

用後感 →

既然係要「透過摩擦瘦身成份先會滲透入皮膚」, 咁單單著嚟返工坐 office / 著住瞓覺嘅摩擦量咁少, 都可以估到瘦身效果係微乎其微了。唔係想抹殺佢嘅可能性, 不過我就覺得日常著係冇乜特別感覺, 同著咗厚身 leggings 冇分別, 亦冇覺得條腿瘦咗。

而著嚟做 gym 幾次我都唔覺有特別熱咗 or 多咗汗, 感覺當然係比普通棉質 leggings 好啦, 但就同我著開嘅「纖維運動緊身褲」好似冇乜 difference。

我諗除非你係日日著住嚟做運動 / 或者著嚟行山幾個鐘 / 工作需要經常行路, 否則都應該冇效, 就例如好多明星 model 會日日做 gym, 所以佢地著呢條 YPL 就會覺得事半功倍吧? 我呢啲每星期做得 1-2 次 gym 嘅懶人就覺得冇料到囉~ 😅

至於佢話著咗視覺上會顯瘦 5 公斤...... 因為夠緊嘛, 視覺上唔多唔少都有顯瘦功效, 不過都係嗰句, 同我著開嘅纖維運動緊身褲冇分別, 我嗰條仲緊過佢、仲顯瘦過佢。

所以呢個用後感去到呢度已經可以「The End」🤣

至於我著開嘅纖維運動緊身褲 →

唔好意思都係淘寶貨, 我係忙到冇時間行街周圍揾 🤣

但佢又真係幾掂喎~!!

雖然佢只係一條塑身褲, 完全零消脂減肥作用, 但密度就極高 + 緊身到一個點 + 包到肚位, 著嚟做運動非常 ok 又出到汗, 著咗仲即時顯瘦 firm 晒, 仲 firm 過上面嗰條 YPL 👍🏻

淘寶 link : https://detail.tmall.com/緊身褲

¥ 99 一條, 我買時有優惠係 ¥ 89

唔係棉質, 有少少反光令面的 →

不過佢 hip 位同 YPL 一樣都係有提升 hip 位嘅縫線, 亦會緊身到令私處現形, 所以平時著出街都係要著長身 top 遮遮~