2019年5月18日 星期六

美國華僑醫生 20 年研創「CirQ-Life 初乳精華抗衰老䕶膚品 + supplement」用後感

上次拍 video 提過嘅「CirQ-Life」, 好多人 inbox 問過我係咩牌子, 又有啲咩係最值得試?

其實呢個美國牌子已經進駐咗 hk 成 10 年㗎喇! 只係佢一直都好少 promote, 所以就冇乜人識。

至於來頭呢~ 

CirQ-Life 係由來自 3 代醫學世家嘅國際抗衰老專家 : 美國華僑醫生 Dr.Samuel Yu 經過 20 年研究創辦嘅科研 skincare (美國牌子瑞士 GMP 廠製)。除咗採用頂級原料, 成份配搭同比例仲係針對東方女性膚質而研製, 結合西方 x 東方醫學由內而外啟動皮膚微循環, 整個系列仲加入咗特別成份「初乳生長因子」去激活細胞活性, 主攻凍齡抗衰老。

話說我 6 個月前待產期間經已收到佢嘅試用產品, 一早用完晒 lu~ 重點係佢俾我嗰份產品資料, 係厚到成本教科書咁! 果然係醫生班底, 勁多成份研製理論! 🤣


睇完成本教科書咁厚嘅產品資料後, 再上網揾資料時, 就發現到雨僑呢個 video  →

原來佢舖頭都有賣, video 仲解釋得好詳盡𠻹!

CirQ-Life 官方網站 + 詳盡資料 : https://www.cirq-lifebeauty.com


大家知僑姐一向超揀擇, 連佢都入貨放響自己舖頭賣, 就知唔會係差~

關於成份效果 + 品牌 background, 僑姐已講解得太無懈可擊, 我都冇咩可以加, 就揀選 4 件我覺得 CirQ-Life 最好用嘅產品, share 一下自己用後感吧 ☺️

同檯食過幾次飯, 只因中間有個歌手 common fd, 大家又住得好近 →


皇牌 Ageless Neck Cream
頸部滋潤霜 (頸紋霜) 

蘊含雙倍高濃度初乳精華, 糅合多種活性成份獨特配方, 有效打通皮膚微循環, 激活細胞新生, 促進新陳代謝, 提升肌膚彈性, 撫平頸紋並預防頸紋形成, 帶給頸部肌膚細胞無限動力。

適合所有肌膚, 男女均可使用

$860 / 50ml 


採用真空瓶設計 →


看似普通乳霜質地 →


但一推開就 feel 到質感又 rich 又軟滑! →

感覺有啲似搽餐包嘅軟牛油~ 🥯

至於搽頸紋有效嗎?

本來我頸紋係唔多嘅, 但多得呢 2 年愛上每晚睡前 ipad 㷛美劇, 做得低頭族多, 頸紋就愈來愈多, 仲變深咗好多𠻹...... 搽咗呢樽 neck cream 2 個月之後, 係見到幾條長身幼紋消失咗嘅! 👍🏻

不過就仲有 2 條勁深嘅頸紋喺度, 應該係深得滯 K.O 唔到, 但都算唔錯了~


Ageless Instant Repair Face Serum 
面部修護精華乳 

富含超高濃度初乳精華 + 高滲透生長因子 + 糅合多種活性成份獨特配方, 能瞬時吸收進肌膚真皮層激活細胞, 補充細胞營養, 構築天然膠原蛋白支架, 迅速修護受損細胞, 重駐新生動力, 讓肌膚散發仿如孕婦的紅潤緊緻、嫩滑剔透光彩。

適合所有肌膚, 真空泵設計

$760 / 30ml 


屬濃稠精華質地, 感覺厚而不膩 →

唔係我唔想唧多啲出嚟俾大家睇, 而係佢已經俾我用到 1 滴都冇剩

呢度經已係最後 1 滴, 想泵多滴都冇 lu 😂


呢支係我認為最值得試嘅, 雖然未算好平, 但就同普通 serum 確係有分別~

質感濃稠豐厚得來一啲都唔油膩, 係零反光零黏稠感, 一推開就 feel 到觸感同普通 serum 唔同, 感覺有啲似胎盤素精華 feel, 但成份其實主要係超高濃度嘅初乳精華。 

搽完會好似有層柔膚薄膜咁包住, 乾紋 / 毛孔 / 紋理通通都好似即時 soften 晒消失咗咁! 摸上塊面又軟綿綿, 望上去又即時平滑咗飽滿咗, 係好有驚喜! 😍

唯一係佢濃稠得來滋潤度就唔算太高, 屬中等至中高吧? (定係我太乾?) 

零油膩反光黏稠感係重點~


Ageless Eye Cream
緊緻眼霜

含高濃度初乳精華 + 糅合維他命 VB5 及 VE, 能為眼周肌膚提供抗氧化保護、提升眼部肌膚彈性、緊緻抗皺、打通肌膚微循環、滋養肌膚細胞、均勻暗沉膚色、促進新陳代謝等多重功效, 更可預防油脂粒形成。

適合所有肌膚, 真空瓶設計

呢樽而家抵買! 見佢 website 做緊 sale 由 $650 減至 $350 !! 🎉


雖然質地望上去同一般 eye cream 冇乜分別, 但搽上眼感覺又係好濃稠軟滑, 滋潤度非常充足, 潤得來又冇令我起油脂油。用咗幾個月眼底幼紋都見到係淺淡咗 + 平滑咗嘅, 但黑眼圈就未察覺出有改善。

反正搽 eye cream 最主要都為保濕 + 預防並改善眼紋, 做到呢幾點就 ok 了, $350 樽經已值回票價! 👏🏻

btw, 我覺得佢所有 skincare 質感都同樣係好濃稠, 唔同一般 skincare 咁, 屬濃度高而唔係厚身杰稠嗰種, 應該係關個「初乳精華」成份事吧? 


最後係 supplement

話說 Dr.Yu 本身係著名糖尿病醫生專家, 創辦 CirQ-Life 時最先係聯同美國生物科技研發公司「Hy-Sun Biomedical Inc.」合作開發 supplement 為主, 以多年臨床經驗研製出一系列營養保健品。後來見啲病人通常都會因病而令到皮膚變差, 先開始聯想到研製 skincare, 所以 CirQ-Life 最先其實係出售 supplement 的~ 


而呢款「CirQ-Life Regular / CirQ-Life Plus (循血寧)」就係佢哋最熱銷嘅皇牌產品 →

橙色嗰樽主要係為女性而設 (紫色係 for 男仕), 成份具白藜蘆醇 + 冬蟲夏草精華 + 初乳精華 + 毛喉萜精華 + 纖維素, 有效提升血管及身體微循環, 提升活力, 減輕視力退化, 增強吸收力, 改善便祕, 減輕慢性發炎, 穩定情緒, 仲話連養宮添喜都得𠻹! 

而老板娘推薦我食, 係因為我本身勁易水腫, 產後水腫就更加難消, 身體循環較差, 話對我消腫 + 改善身體同皮膚循環都會有幫助~ ☺️


每日服用 2 次 (早上空腹及睡前),每次 1 粒

$620 / 60粒 (膠囊)


一般嘅 supplement 食咗有冇效都只係個人感覺, 並冇效果可以目測得到, 但呢隻「循血寧」食咗之後嘅對比係可以睇得! →

明明唔係減肥 supplement, 但食咗 2 個半星期後塊面竟然尖咗兼消埋腫! 連眼袋都冇咁浮, 成個人精靈咗 sharp 咗! 原來推動到血管同身體皮膚微循環係有咁嘅效果㗎! 😱

仲有啲咩改善係明顯察覺?

So far 食咗 2 樽, 而家每朝起身塊面都零水腫! 以前係每朝起身成面水腫至少半日先消到, 而家朝朝起身都唔見有水腫 lu~ 另外睡眠質數都有明顯好咗, 每朝一起身個人就即時醒晒, 再冇啲好攰 / 好眼瞓嘅感覺, 全日都精力充沛, 便秘問題又冇埋 (以前要靠日日食乳酸菌), 而家係每晚定時定候有廁所去~ 👍🏻 


最勁係 hk 代理「CirQ-Life」嘅嗰位老板娘....... 

明明點睇最多得 50 幾, 點知原來係 70 幾歲!! 講出嚟嗰陣嚇親我呀! 😱

佢話就係響美國用咗「CirQ-Life」skincare + supplement 十幾年, 覺得愈嚟愈年輕, 所以 10 年前就攞咗代理於 hk 出售。60 幾歲創業去到而家 70 幾, 真真唔簡單! 好佩服呀~~

所以大家明白點解呢個牌子嚟咗 hk 咁耐, 之前都冇網上 promote 過啦, 因為老板娘唔識得運用 FB 之類宣傳的原故, 以前都只放百貨公司出售, 但而家就已經可以郵購喇~~



沒有留言:

張貼留言