法國著名芳療護膚「DARPHIN」皇牌 skincare 用後感

法國巴黎芳療護膚品牌「DARPHIN」, 真係未用過都聽過! 

係由身兼植物學家 + 配方大師 + 理療專家嘅創辦人 Pierre Darphin 於 1958 年創立, 以高濃度花植護膚品聞名全球, 由保濕、舒緩煥亮、至緊致抗老系列都有, 而最出名當然係佢嗰支可以降紅舒敏嘅「全效舒緩鎮靜精華」啦~ 🌺🌸🌼

3 月全新概念店開將時, 我都有收到佢哋送嚟嘅 skincare, 係靚到一個點! →

FB 好多讀者都好好記性, 最近都有 inbox 問我試完未, 話好想快啲睇用後感, 想知佢啲嘢好唔好用~ 確實試咗成 1.5 個月我都試得好全面喇, 係時候寫個 review 😆

今次 review 嘅都係 Darphin 皇牌產品 →

左至右 : 花妍亮肌精華 + 全效舒緩鎮靜精華 + 活水保濕啫喱面霜, 底部仲有皇牌修護精華油用後感

我係早晚都有搽, 每次用 1.5 泵, 用咗 1.5 個月大約剩返 1/4 容量, 估計一支約可用 2 個月, 視乎你皮膚有幾乾 (我係勁乾), 唔太乾的話其實每次用 1 泵都足夠 😉

Darphin HK 官網 : http://www.darphin.com.hk/zh-hant-c-HK

全新概念店地址 : 尖沙咀海港城港威商場 2 樓 2404 號舖

由於產品資料並冇提供售價, 我上網 search 咗好耐亦揾唔到最 update 嘅價錢, 所以今次就唔寫售價了, 大約係 $400-800 左右吧 

見佢 FB 最近亦推出咗母親節限量套裝 →

全效舒緩鎮靜精華 + hand cream + 洋甘菊修護精華油 4ml 係 $490 一套, 算非常抵用! 👏🏻

Darphin FB 專頁 : 

https://www.facebook.com/DarphinHK/

全效舒緩鎮靜精華 

INTRAL Redness Relief Soothing Serum

即時急救修護, 對抗過敏、污染及壓力  

高效舒緩精華蘊含微水分子科技 (增強吸收力) + 專利鎮靜精萃花植複合物配方 (蘊含牡丹、洋甘菊、山楂), 以平衡柔膚 + 草本活水 + 花植萃取 3 大概念出發, 從內到外增強肌底防禦力, 修復脆弱敏感肌膚, 帶給肌膚天然舒適滋潤感。

針對肌膚不穩定、過敏、泛紅、乾燥等常見問題, 能瞬間鎮靜肌膚, 兼具超强抗氧化能力

屬質地極度稀身的精華, 只比清水稍為杰身少少 →

DARPHIN 建議搽護膚品時可配合佢嘅「獨創 Kinesio 美肌瑜珈按摩」(官網有示範), 能 enhance 產品功效......

不過我懶, 都只係單搽就算 😂

如果大家屋企有導入機按摩機 / 黃金棒之類, 又有時間的話, 都可以搽完後碌兩碌加助吸收, 至少比用雙手按摩更快~

質地雖則係薄, 但估唔到抹上面感覺都頗為保濕! →

係薄身得嚟唔會搽完好似冇搽過嘢咁, 能秒速吸收之餘, 保濕度唔覺有流失, 用後亦唔會反光油淋淋, 搽完仲即時有柔滑軟化肌膚效果, 改善到乾紋缺水問題, 摸上手會 feel 到塊面軟棉棉, 感覺確係正! 🥰

至於改善泛紅 / 過敏呢點, 由於我皮膚呢排冇敏感, 所以就測試唔到佢嘅抗敏效果了。而塊面一直有嘅泛紅 / 紅印問題, 用咗佢之後就冇察覺到有特別改善咗, 只係覺得保濕感覺好好。

尤其而家天氣開始熱, 如果皮膚唔太乾的話, 日間單用佢再加防曬霜都好足夠, 唔使搽咁多層 skincare 咁厚~ 

但我皮膚咁乾, 只搽 1 款 serum 就當然餵唔飽啦, 早已習慣用完細分子 serum 後, 要厚搽多支厚身滋潤少少嘅 serum →

花妍亮肌精華

LUMIÉRE ESSENTIELLE Illuminating Oil Serum

採用真空瓶設計, 蘊藏 7,000 顆精露微珠 (滿載亮肌精油的微囊粒子), 盛載於蘊含透明質酸的豐盈法國海洋精華配方, 能全效保濕、撫平幼細乾紋、提升肌膚亮澤, 觸發純淨花妍生命力。

Close up 睇真係會見到有 N 粒「亮肌精油微囊粒子」→

屬質地非常 rich 嘅 gel 狀 →

一推開就 feel 到勁潤! →

初初第 1 次用佢以為望上去咁 gel, 肯定唔多夠潤啦, 於是就唧夠 2 泵。

點知搽上面原來係勁勁勁潤! 之後每次用佢就改為日間 1 泵 / 晚間 1.5 泵了 😆

Gel oil 配方亦比較適合怕用精華油嘅人, 質感會冇咁杰 / 冇咁油膩, 又易啲吸收 ☺️

除咗用後感覺極滋潤, K.O 到乾紋問題, 仲提升到膚色亮澤感, 雖然搽完都有少少反光, 但就不至於黏笠或厚重, 都會吸收的, 唔會好似有層油浮於面上, 夏天用 1 泵份量剛剛好~ 

活水保濕啫喱面霜

HYDRASKIN LIGHT All-Day Skin Hydrating Cream Gel 

啫喱面霜配方, 質感清新輕透, 蘊含豐富水份花植萃取成份, 能為肌膚持續保濕注水, 維持飽滿膚質, 整天保持妝容水凝清新。

不含防曬成份, 日 / 夜可用, 純粹係保濕效能 →

手中呢樽係 30 ml, full size 係 50 ml

呢樽我只係夜晚用, 用咗 1.5 個月已差不多用完

皮膚乾嘛, 份量每次都用得特別猛 😆

因為係 gel cream, 質地冇 cream 咁厚杰, 會吸收得快過 cream 好多, 夏天用就一流 👍🏻

不過我皮膚咁乾, 加上夏天瞓覺會開冷氣, 夜晚就算厚搽我都係唔夠 10 mins 就吸收晒, 摸上去塊面係清爽的, 有啲嫌佢唔多夠潤。

但呢樽啫喱面霜擺明就主 sell 輕盈透薄, 唔夠潤亦合情合理, 都無謂雞蛋裡挑骨頭喇, 係我自己乾啫 😅

最後係佢嘅皇牌修護精華油 

DARPHIN 被喻為精華油專家, 當然少不了有一系列各具功效嘅 facial treatment oil, 係多到有甜橘 / 洋甘菊 / 茉莉 / 玫瑰 / 橙花 / 岩蘭草 / 百千層..... 好多選擇! 仲有薈萃咗 8 種高效賦活滋養成份嘅皇牌「8 花極致修護精華油」🌺

試用過「8 花極致修護精華油」+「甜橘修護精華油」, 香味超討好! 前者係勁潤兼厚身, 後者係比前者薄身啲啲, 但都同屬厚杰黏稠一類 = 係傳統精華油而並非 dry oil, 故只適合 dry skin 晚間用。

我皮膚係狂用精華油都唔會起粒粒的, 亦唔怕黏笠, 但夜晚用佢都會覺得潤到唔需要再搽晚霜, 可直接將佢 replace 晚霜 step。

至於效果呢, 咪係潤囉~~ 😂

潤到咁就當然咩紋理 / 乾紋都撫平晒啦~~

勁鐘意搽到油淋淋咁瞓覺, 第二朝起身洗完面膚質勁飽滿勁平滑 😍

(下圖係 travel size, full size 係 15ml)