BB 床買淘寶貨穩唔穩陣㗎? 🤔
我就覺得就算喺 hk 買外地牌子都有機會係 made in China, 網購亦有好多係淘寶貨, 咁不如自己淘仲多選擇啦~ 只要唔好揀太平的, 再花時間睇清楚用家評價就冇問題, 例如今次細佬呢張 BB 床, 我就揀咗成個月比較過先決定買, 實物非常讚! 👏🏻
點解揀咁細張床? 買大張啲可以瞓多幾年實用啲喎? 同埋揀實木床唔會硬淨啲咩?
以前都有買過大 size 實木 BB 床俾哥哥 + 妹妹嘅, 但大家知 hk 寸金呎土, 啲房勁細, 睡房門又勁窄啦! 如果買太大 size 就有機會過唔到睡房門, 只能放廳, 就算擺到入房都係好迫冇乜位剩, 實木床要移出移入亦冇咁方便。
同埋每個 BB 都好有性格, 如哥哥 + 妹妹正正就係唔肯自己瞓 BB 床嗰批, 結果張床瞓咗幾個月就淪為雜物床, 仲要係一張好嘥位、好 "亞炸" 嘅雜物床, 要拆又麻煩喎......
所以今次我學精咗, 都係買張細嘅試試水溫先! 🤣
一開始已經 target 呢類細 size 輕便 BB 床 →
唔使度位都肯定推得過房門, 加上有滾輪推出推入超方便又輕身, 想推去屋企每一角落都好輕鬆, 慳位係重點! 🥰
淘寶 link →
¥ 799-899
以淘寶計唔算平, 所以質數都係好 ok, 已經平過喺 hk 買好多了
安裝超簡單, 唔用嗰陣仲可以摺起收埋一二角 →
So far 細佬瞓咗 5 個幾月都瞓得好開心, 好安全 →
有 2 色選擇 →
剛砌好後實物 →
蚊網需另外買
下層可變儲物箱 →
我係放晒一堆尿片 + 包被 →
下層仲可以咁樣用 →
到 BB 大少少識得擒高時, 上層仲可以拆走, 改為迷你 play mat 困住佢~
唯一要考慮嘅問題就係 BB 到 7-8 個月大時會識得擒高, 床圍咁矮會危險
廠方話到時可以拆走上層, 改為瞓下層, 我就覺得唔 ok 囉, 咁近地板咁 dirty 😅
所以佢只係一張 new born 床, 最盡瞓至 7-8 個月, BB 一識得擒高就要換, 咁 $1000 內瞓 7-8 個月 + 之後可以當 play mat 用嚟困住佢, 都算係咁啦~
我就打算之後索性俾佢瞓童床加床欄 🛏
細佬初出世時一晚要飲幾次奶 + 換幾次尿片, 我又擔心佢想成日望到佢 →
而呢張 BB 床就可以調教高度至大人床邊, 一拉鍊就可以降低床圍, 滾輪仲有安全鎖唔會自己碌走, 於是佢晚晚都可以瞓我旁邊, 我又唔使驚自己瞓著後會壓到佢~ 😚
仲可以調教斜度𠻹 →
預防嘔奶一流~~~ 👍🏻
始終每個 BB 都一定會嘔奶嘛, 斜少少安心啲, 總冇可能 24 小時昅到佢幾時嘔奶
而家細佬接近 6 個月大, 張床嘅長度係仲有位剩 →
不過寬度就已變成咁 →
所以去到 7-8 個月應該唔得 lu, 到時再拆走上層改為 play mat 用
你好~請問佢上層底板個物料係用咩㗎?聽講bb要訓硬床呢個夠硬淨嗎？
回覆刪除