雨季當然要有對雨靴 ☔️ 淘寶平靚正 $45 matte black 短雨靴 rain boots 🥾

夏天除咗為大地帶來美腿, 亦帶來咗雨季同今日嘅 8 號風球, 點都要有對 rain boots 看門口 🌧

買雨靴, 大部份人都鐘意揀 "高筒", 貪高筒可以 cover 晒成個小腿, 防水夠全面, 順便又可以遮埋粗腿。但我就特別鐘情於 "短筒", 認為會比高筒更有型、更易襯衫、更適合自己~

推介早前淘嘅短筒雨靴俾大家, 睇睇啱唔啱用 →

高筒 rain boots 以前都有買過, 但無論幾軟身幾好嘅膠靴, 都始終係膠造, 包得太高行起路上嚟點都唔夠自在, 而且包住整個小腿夏天都覺侷身, 都係短筒舒服啲 🥰

淘寶 model 示範相 →

我收到嗰對實物 →

係同示範圖零差別, 真身仲靚過店家示範圖~ 

matte black (啞面黑) 賣相又夠型仔, 個樣唔似一般 rain boots, 就算唔係落雨著都 ok 👍🏻

之前落雨已經著過幾次, 防水度完全冇問題, 8 號風球下著佢都 ok 冇入水 ☔️

鞋底亦夠防滑, 唔怕跣親 →

全對都好防水, 唯一缺點只係始終冇長 boot 防䕶咁全面, 落大雨時小腿都會濕少少 →

不過我都仍然係鐘意短 boot 著起自在啲, 冇咁侷身, 話晒 hk 雨季都係夏天嘛~  

視覺方面, 以我腳短 + 小腿又唔係幼去計, 曾經著過高筒雨靴如「Hunter」之類, 覺得反而會令雙腿望上去更短更粗, 著短 boot 比例望上去仲好啲~

質量呢? 

我覺得好 ok 喎~ 至少冇臭膠異味, 又算輕身, 以 $45 嚟講質量係好掂, 冇話覺得好硬 / 唔舒服, 感覺同一般 rain boots 無異, 只係嫌內裡鞋底冇軟墊, 感覺有點空虛, 但也可自己加對鞋墊 / 著對厚襪解決~

喜歡的可放心入手 😉

RMB $45 @ 淘寶雨鞋連結