2019年10月8日 星期二

LUÉ by Jean Seo「平衡保濕精華 Balance Hydrating & Calming Serum」

LUÉ 最為人熟悉 + 最受歡迎嘅產品當然係佢支「燕麥飄霜」磨砂粉! 👍🏻

自從佢 2 年前進駐 hk 後, 我到而家都仲有 keep 住買嚟用, 過往亦推介過幾次 : https://isadoracheng.blogspot.com/2017/LUE

而家仲連 SaSa 都有得賣喇! 唔使特登走去 Harvey Nichols 或袁彌明舖頭買咁遠, 方便好多~

見支「燕麥飄霜」咁好用, 今次又試埋佢支保濕精華 →

Balance Hydrating & Calming Serum
平衡保濕精華

不含油份, 可控制油脂分泌並收細毛孔, 採用微小分子透明質酸成份, 具高滲透力, 能為肌膚補濕鎖水, 提升肌膚自癒力。男女均可使用, 男仕用更可當作鬚後水, 能發揮紓緩作用並預防毛髮倒生。made in USA

$135 / 30ml @ SaSa

FYR 美國係賣 $117 左右未連稅, 加埋稅同運費後其實仲貴過 SaSa, 都係 hk 買著數!


未認識 LUÉ 的話, 佢係來自美國⽐華利⼭嘅著名天然護膚品牌, 好多國際巨星 / 外國雜誌都有推介過, 亦曾奪過唔少美容獎項 👑 

出名在嚴選最天然而優質嘅成份研製, 配⽅更加係模仿肌膚細胞特質⽽衍⽣, 特別容易被⽪膚吸收, 主張以簡單的護理步驟去照顧肌膚需要。

勝在成份優質價錢平 👏🏻

美國官網 : https://evolue.com


今次買呢支係零油份嘅「Balance」保濕精華, 見佢美國官網係有另一款「Restore」有油份嘅保濕精華, 應該會更滋潤更適合我, 不過 SaSa 冇賣.....


泵裝設計 →

望上去好似特別細支, 但其實同一般精華份量一樣都係有 30ml 


大家知我一向習慣分開搽 2 支精華 (小分子 + 大分子), 咁屋企已有支小分子嘅「MEDIV 安瓶精華液」https://isadoracheng.blogspot.com/mediv 

唯獨大分子精華就已經用完, 就買呢支 LUÉ 試下夠唔夠潤啦 😌

質地同一般透明質酸精華冇乜分別, 都係透明 gel gel 哋咁 →


用後感 →

我皮膚乾, 用佢係有少少失望, 覺得佢滲透得好快唔夠潤, 搽完只係保濕咗少少, 又冇乜特別改善見到.....

不過又咁講, 其實買嗰陣都知佢屬細分子兼零油份, 唔係好潤嗰種嘅, 只係見佢名氣咁大, 自己對佢多咗一絲期望啫 😝

認為用嚟做細分子補水精華打底都 ok 嘅, 可之後再搽多隻滋潤啲嘅 serum。又或者如果你皮膚唔算好乾 / 夏天唔想搽到咁油膩 / 想平平哋揾支 ok 嘅保濕 serum 搽下, 咁單用呢支都可以, 算係性價比高, 不過驚喜就冇乜, 純粹保濕一下咁樣~



沒有留言:

張貼留言