2019年10月8日 星期二

飄眉 / 霧眉 之常見問題 Q&A

飄霧眉前總有萬千迷思, 整完之後點保養都仍有好多疑問?

都明白一下子聽咁多資訊係好難記得晒,  綜合解答一下方便大家重溫先~

1. 成個過程係點? 需時幾耐?

清潔消毒 → 畫好想要嘅眉型 → 定位 → 敷舒緩霜 → 開始飄霧眉 → 坐起身望望有冇地方需要修補 → 消毒 → 搽修復霜 → 完成。整個過程約 1.5 至 2 小時。


2.可改變本身眉型? 例如由彎眉一字眉」之類?

微改係一定可以, 但大改就需視乎本身眉型及眉部骨肌, 以及願唔願意犧牲修走部份眉毛。

舉個例子, 假如眉骨比較高凸, 硬要改成一字眉的話, 眉骨就會外露變得古怪, 所以無論點調改都要顧及骨肌位置, 一字眉係只適合骨肌不太高凸的人, 反而流星眉 / 上揚眉限制就比較少 😉

由「眉」改至「流星眉」例子 →


3. 眉頭相距可拉近?

可以~ 大部份客人都會 request 拉近眉頭

不過都要視乎兩眼相距, 最緊要都係啱返眉眼鼻比例, 如夾硬拉太近可能仲會覺得唔自然, 只要自己認為順眼就 ok~

拉近眉頭例子 →


4. 上揚眉 / 一字眉 / 流星眉, 點先知邊款啱自己?

大部份人都有自己喜好, 只要講出要求就 ok, 而整之前亦會先畫眉睇效果。

唔知點揀的話, 亦可改畫試睇不同眉型效果的, 而我嘅做法係會先畫好客人本身眉型, 分析好缺點 + 唔對稱嘅地方喺邊, 然後再加入客人喜好 + 自己觀點, 傾好後再改畫至大家都認為 ok 的眉型, 一般都會改畫幾次慢慢調整。

起角眉例子, 通常由外國返 hk 飄霧眉的就愛呢種, 比較歐美 feel →


5. 眉毛逆生 / 眉位有疤能否做飄霧眉?

可以的~ 不過逆生的毛毛就要自己定時修剪

整咗飄霧眉只係唔使畫眉, 唔等於唔使修眉喔, 當雜毛 / 過長的毛毛再生返出嚟時, 都要自己修走或修剪的, 否則會影響已改好的眉型。

眉毛逆生飄霧眉後例子 →


6. 整完可否濕水洗面? 幾耐唔掂得水?

雖然好多店舖都宣稱整完可「即時濕水」, 但其實當日最好都係避免濕水啦, 水喉水有菌喔! 若要卸妝可暫時用卸妝水, 而想抹眉嘅位置應用凍滾水 / 礦泉水 / 生理鹽水。

第 2 日開始可照常洗面, 但 1 星期內都唔可以長時間濕水 (如游水 / 蒸桑拿), 會影響結痂, 亦唔可以用太熱嘅水, 唔可以捽堂眉, 搽 skincare / 敷 mask 時都要避開堂眉。


7. 點解隔半年內要補色?

由於新式飄霧眉用嘅係不含重金屬色料, 可被皮膚吸收再慢慢經循環退走, 隔咗幾個月色澤會變淡屬正常, 加上皮膚底下有油脂腺 / 汗管 / 毛囊腺等等分佈, 有時都會影響上色持久度, 造成部份位置會較易退色, 所以就有補色的需要。

飄霧眉幾個月後 vs. 補色後例子 →


8. 係咪一定要補色?

咁又唔係~ 大部份人整完隔一排眉色都會退減約 30%, 但亦有部份客人係只退減 20%, 甚至係冇退過色, 所以係人人不同, 視乎本身皮膚吸收留色程度。

而補色服務係包埋的, 可自行選擇有冇需要補 / 幾時返來補, 亦可以只補回甩咗的一小部份顏色 / 微調少少眉型 / 或改動顏色等等。


9. 顏色係可以揀?

冇錯係有 20 款色揀, 大部份人都會揀灰啡 / 深啡 / 中度啡, 主要視乎髮色及個人喜好~ 

如本身眉毛量唔多 / 或接近冇眉毛的話, 就建議揀深啡, 太淺色會冇嘢睇兼唔夠持久 ; 如本身眉毛量多兼毛髮粗黑, 則建議揀深灰色。 


10. 附設嘅修復霜係咪一定要搽? 

明白到有的人要返工或較忙, 不過勤力啲搽修復霜除咗可加速修復, 仲有滋潤作用可防止痂皮崩落, 影響留色不均的, 所以係一定要搽㗎! 至少都要連續 1 星期早晚搽 1 次。


Makeup Secret 
新式飄霧眉 $3500 (包免費補色 1 次)  

 一 take 過揉合美式、韓式、台式「飄 + 霧」手法優點, 比過往飄霧眉效果更自然、更仿真、更柔和, 能因應個別眉毛情況 tailor-made 填補, 更可自選顏色、線條感粗幼度及底色配搭等等, bye bye 公式化, 選擇更 flexible。  

👍🏻 揉合手功飄眉 + 手功打霧技術
👍🏻 分段採用 3-4 款即棄式針具 + 2-3 款色乳, 效果更自然
👍🏻 非舊式紋繡, downtown 期唔會變小虎眉
👍🏻 多至 20 款飄眉顔色選擇
👍🏻 過程無痛不紅腫
👍🏻 術前詳細講解 + 送術後鎖色修護霜
👍🏻 採用美國名牌 FDA 認證安全級別優質紋繡色乳
👍🏻 採用即棄式工具用品及床墊, 安全衞生

👍🏻 著名化妝師 Isadora Cheng 親自主理, 持美國 + 韓國 + 台灣 + 香港等 7 個專業紋繡師資格

歡迎 whatsapp 或 FB inbox 預約查詢 🤗


Makeup Secret 

九龍尖沙咀厚福街 3 號華博商業大廈 16 樓1607 室

電話 / Whatsapp / Signal 查詢預約 : (+852) 6315 5670

直接連結至Whatsapp對話:  https://wa.me/85263155670

Facebook 專頁 : https://www.facebook.com/makeupsecret.hk/




沒有留言:

張貼留言