話說 HK 冬天凍極有限, 屋企一件羽絨褸都冇, 之前去加拿大旅行都知會凍, 都係買返件羽絨穩陣! ❄️
不過街上可以買到羽絨褸嘅地方唔多, 款式選擇又有限, 睇來睇去都揀唔啱, 加上我又唔想為咗飛一次就買件千幾蚊、分分鐘仲要 made in China 嘅羽絨褸, 所以都係淘寶更實際吧~
最終揀咗呢件 $200 幾蚊長身羽絨, 零下 10 度都又暖又擋到風, 正呀~~~ 😍
¥ 259 / 3 色選擇 / XS 至 L 碼 →
前年冬天去日本都曾經於第二間淘過一件類似嘅, 但收到實物就勁薄唔厚實, 結果凍到震。而今次呢件 quality 就好 ok, 冇異味, 洗過後毛領冇甩毛, 裡邊亦冇羽毛掉出, 外層質料密度高 👍🏻
我 9 月買嗰陣剛好有優惠只係 ¥200, 建議唔急著就可等淘寶再做優惠時先買, 反正聖誕 / 新年前都必定有折扣
個人認為實物同圖片冇相差, 不過洗過之後有少少變薄咗 →
係我自己洗得衰啫, 懶得手洗就咁掉入洗衣機, 又唔記得調校脫水嗰 part 😅
不過都仍然覺得好夠暖呀! 零下 10 度都頂得住, 外層質料超密實唔透風~
Size 就覺得買大咗, 原先諗住自己肥咗買 S 會好啲, 但原來實物都幾大件, 早知買 XS 啦 😆
好彩佢係束腰款, 腰間有索繩可綁緊, 叫做臃腫之中有點救贖 →
內裡只穿 1 件長袖打底 + 1 件 hoodie 都夠暖 →
如果嫌我呢件太大 / 太長 / 太厚, 店內亦有好多其他短款 / 中長款羽絨, 厚薄亦有得揀 →
原先我係想買件中長款 + 冇咁厚身嘅, 諗住至少可於 HK 著下, 好彩冇啫, 去到加拿大凍到顛, 褲都要著 2 條 😅
覺得左上角 + 右上角嗰 2 件薄羽絨都好靚呀! HK 都著到~
如新年有 plan 去寒冷地方旅行, 咁平平哋買件厚嘅亦考慮得過 👍🏻
沒有留言:
張貼留言