韓國呢支「魔女神液」好巴閉!
除咗獲用家一致好評, 揮低好多專櫃貴牌攞過好多韓國雜誌最暢銷大獎之外, 仲講到話乾肌用可補濕鎖水 / 油肌用可平衡油脂減少出油 / 暗瘡肌用就可減淡痘印! 聽落好似好大包圍, 咩膚質都好啱用咁喎? 😲
咁多韓妹妹買嚟用咁有口碑, 應該都唔差得去邊卦? 加上早 2 個月買時 SaSa 剛好有 promotion $348 任揀 2 支, 見咁抵就試一試啦~
我本身皮膚又薄又易紅, 肌膚屏障實在唔多穩定, 一受少少刺激就好易過敏, 所以一見到嗰句「有助於強化皮膚屏障」就當場被燒著, 即刻帶咗 2 支返屋企~
韓國 ma:nyo 烟酰胺魔女神液 (精華液)
富含 97% 半乳醣酵母發酵萃取成份 + 維他命 + 礦物質 + 多種氨基酸, 以完美比例調配, 能將護膚成份達至最佳效果, 高效改善肌膚潛在問題, 有效舒緩保濕 + 滑嫩膚質 + 收細毛孔 + 平衡油脂 + 提亮膚色 + 美白淡印 + 煥發健康光澤 + 強化肌膚屏障緩解泛紅狀態。
講到好似好萬能咁喎! 😆
原價 $268 / 50ml @ SaSa
我買時係 $348 兩支, 不過而家仲有冇呢個 promotion 就唔清楚了
滴管設計 →
每次用 6 滴都好足夠, 一支 50ml 有排用
質地係好似水咁稀身 →
雖然都有補濕力, 不過都真係好稀薄, 唔可以當 B5 / B3 gel 精華之類單搽, 若果唔再加其他 serum 或 face oil 係一定唔夠潤, 所以只能當佢係「精華水」用, 就如 SK-II 神仙水之類, 不過就比神仙水更滋潤。
Steps : 洗面 → 爽膚水 → ma:nyo 精華液 → 精華霜或精華油 → 日霜或晚霜
雖然買咗成 2 個月, 不過我都係最近先開嚟試, so far 用咗 2 星期, 都覺得係 good 嘅! 👍🏻
滲透速度快, 用後一啲都唔黏笠, 但就比一般精華水更滋潤, 搽完光澤感有提高咗少少, 亦見到乾紋 + 毛孔即時撫平咗一半, 望上去肌膚質感都有平滑咗, 搽 serum 前用佢嚟作為小分子打底都幾唔錯, 又冇添加香料冇任何氣味~
不過美白 / 減退泛紅效果就唔覺有, 可能我只係搽咗 2 星期未夠耐吧? 繼續用耐啲先 💪🏻
暫時未 feel 到有佢講到咁神效, 但都幾唔錯, 以呢個價位嚟講有補濕度又撫平到少少乾紋毛孔, 經已係物超所值了! 又唔傷荷包唔使慳住用, 當係轉季幫自己強化一下皮膚屏障都好~ 值得一試 😊
沒有留言:
發佈留言
注意：只有此網誌的成員可以留言。