沙漠肌冬天上妝好幫手 👍🏻 植村秀「Skin Perfector 輕潤美膚噴霧」Makeup Refresher Mist

明明搽完 skincare 後都潤潤哋, 但上完粉底同碎粉後隔一陣又再乾到繃繃緊, 乾紋又重現? 之但係唔掃碎粉定妝又好易溶妝喎? 唔通又要換過支粉底? 

冇錯近排天氣真係好乾呀! 乾到搽埋精華油化完妝都覺得塊面好 dry..... 唔想特登買過支新粉底, 其實仲可以考慮買支定妝噴霧自救喎~ 😉

介紹得俾大家自救, 就當然唔係普普通通嘅補水 spray 啦~ 

Shu Uemura 呢支係帶植物精油成份的, 滋潤感好充足, 唔係噴完好似冇噴過嗰啲, 噴完個妝真係會 K.O 到乾燥感, 望上去更平滑剔透, 係我冬天妝後嘅好幫手! 👍🏻

產品資料 →

Skin Perfector 輕潤美膚噴霧 

Makeup Refresher Mist

以嶄新雙效科技糅合植物精油 + 深層海洋水秘方調製, 妝前使用能為肌膚打好基礎, 令妝容更柔滑持久 ; 妝後使用能瞬間補濕, 塑造水潤霧感妝容。

備有 4 種大自然感官香氣 : 櫻花香 / 菖蒲香 / 柏樹香 / 柚子香 

$175 / 50ml 或 $250 / 150ml @ 植村秀

HK 官網 : https://www.shuuemura.com.hk

FB 專頁 : https://www.facebook.com/shuuemura.hk/

同其他補濕 spray 唔同嘅地方係, 呢支係 mix 咗植物精油, 屬水油分隔嗰種, 要搖勻先噴, 可明顯見到有油份 →

平時啲普通補水 spray 噴完眨下眼就風乾咗, 會好似冇噴過咁, 而呢支 Shu Uemura 就因為含植物精油, 可一次過補水兼補油, 咁冬天咁乾, 點都要有少少油份個妝先夠貼, 先夠順滑剔透, 先可以撫平乾紋, 望上去膚質都細嫩啲! 🤗

而且呢支噴出嚟質感係 "超級輕霧", 輕霧程度有如 airbrush 噴槍, 唔會噴到塊面濕晒, 又唔會有一滴滴水珠整花個妝, 同時又解救到妝後乾爆問題~ 已經回購過 2 支, 對 dry skin 嚟講係好好用! 👏🏻

同類嘅水油分隔噴霧 Melvita 都有, 不過油份就重啲, 而且噴出嚟質感唔夠輕霧, 會整溶整花個妝, 唔太適合妝後用, 只適合當精華水用, 妝後用的話呢支 Shu Uemura 會更好~

4 款顏色係同一效能, 只在於香氣唔同, 均屬偏清淡香氣。我買嗰支綠色係柏樹香, 個人認為都幾好聞, 類似植物精油味咁 🌲🌳