可維持 2 年的「韓式 4D 鼻位埋線」放題 👍🏻👍🏻

2 個月前我又靜悄悄去咗微調個鼻..... (其實都好公開, 完全唔 "靜悄悄") 🤣

今次呢間「JUVENTAS」醫美中心係 friend 試過的, 見佢整完唔錯, 攪到我又心動衝咗去整 😝 

鼻位埋線我 2 年前都試過, 原先以為今次呢間都係整以前試過嘅「蛋白線」, 後來問清楚先知係整近排好興嘅「韓式 Hiko PCL 4D 鼻位埋線」, 同樣可被人體吸收分解, 但效果就更堅挺, 持久度亦更 long keep 可維持 1.5 至 2 年! 

正喎! 持久啲仲好! 唔使成日攪呢樣攪嗰樣~ 😆

試完我都覺得效果係 good 嘅! 2 年後可以再 encore~ 👍🏻 

至於點解想做「鼻位埋線」, 不外乎都係想改善鼻型啦 😝

原先我係好滿意自己個鼻㗎, 雖然唔係細亦唔係高, 但自己收貨就得

以前個鼻 →

不過生完 BB 之後..... 成個世界就唔同咗喇! 🥺

有冇聽過生完 BB 個鼻會變大? 好多產後媽媽都有呢個問題呀! 特別係生男 BB 嗰啲, 由孕後期開始鼻型就愈變愈大, 我 10 年前生哥哥時都有呢個情況, 好彩過半年後佢識得自動還原咋..... 

不過今次就冇咁好彩喇.... 可能年紀大咗, 好多嘢流失咗啦, 生完 1 年個鼻都冇還原過 😔

而家成個鼻好似山泥傾瀉倒塌咁, 鼻頭 / 鼻翼 / 鼻樑全部變大變濶晒, 鼻樑骨位本身個節仲要愈來愈現型, 凸起咗一級..... 真係唔知發生咩事 😭

總之就怪到我都唔知點先可以執返靚個鼻...... 😔

其實都想攪攪佢好耐喇, 一直有留意緊啲 fb / ig 廣告, 咁啱見有 friend 整完效果 ok, 價位又合理, 就唔好諗咁多即刻整咗佢了結吧啦~

Book 完上到去見到姑娘同醫生, 我就一輪嘴講晒我嘅問題......

咁我又唔貪心嘅, 唔要求「間尺鼻 / 鬼妹鼻」, 剩係想還原以前個鼻, 就算還原唔到都至少要執一執啦! 最緊要係改善到之餘要夠自然, 唔係好覺整咗嗰種 😆

先要讚一讚姑娘同醫生, 花咗好耐時間研究我個鼻! 👍🏻

而唔係求其你話想整邊就整邊 (我遇過出面好多間都係咁), 我見醫生同姑娘成個過程都有商有量, 互相研究我要整啲乜 + 整邊度, 點整效果先最好。(可能我個鼻太難攪, 要研究好耐 🤣)

最終分開咗 2 次去, 先打咗少少「透明質酸針**」於鼻樑, 平順返凸起嗰一級節位, 然後再於鼻頭同鼻樑做「4D 鼻位埋線」, 撐返起闊咗塌咗嘅鼻型。

** 而家新嗰啲「透明質酸針」係可維持 1.5-2 年, 亦唔會好似以前嗰啲咁耐咗會移位

埋嘅係呢款「Hiko PCL 線」→

優點係耐咗唔會移位, 亦會比「蛋白線」更持久, 做 1 次可維持 16-24 個月! 隨後會慢慢被人體吸收分解冇副作用。

以我皮膚超異常, 平時打親啲乜都好似唔識得溶解咁, 持久度比一般人耐去計, 我打完應該可 keep 到 3 年吧? 抵呀~ 🤣

整乜都好, 打落皮膚嘅嘢最緊要係用正版 / 未過期 / 不重複使用嘅貨, 醫生會在客人面前開針, 也可要求開封前先檢查 →

Hiko PCL 線個樣 →

睇落好似好長, 但實際打落鼻嘅線係冇咁長 (個鼻都冇咁長啦), 醫生係會再調整的, 所以唔使太驚慌, 反正全程閉眼做都唔係太驚 😉

醫生房 →

傾好點整之後, 醫生會先消毒 + 畫位 + 打麻醉針 →

打麻醉嗰下會有啲痛, 但好快就麻痺咗。隨後過程係鼻樑唔痛, 但鼻頭就敏感啲會有啲痛, 流咗幾滴眼水, 都冇話忍唔到嘅, 整得都預咗已有心理準痛, 咁都好快完成啫, ok 啦~ 😉

過程大約係 20 mins (唔計傾計 / 消毒時間), 醫生整完後會俾你睇睇效果, 唔夠就再整。

而呢間「JUVENTAS」嘅埋線技術就同其他醫美中心唔同, 姑娘話佢哋係用獨家「鼻中位入線」埋法, 連鼻小柱鼻尖嗰位都會整埋, 收窄 + 挺尖鼻頭效果會更明顯, 並唔係所有醫生識做。

剛完成後個樣 →

啱啱整完會有啲紅腫 + 誇張啲, 不過等 1 星期左右消腫後就會變自然~

終於有返個鼻~~ 正面睇鼻樑 + 鼻頭都唔再扁塌  🥳🥳

印像中總共埋咗 8 條線 (唔係好記得), 鼻樑 + 鼻頭各有 1 個針口仔, 姑娘有用隱形膠布貼住咗 (都真係勁隱形, 好近先見到), 要貼 1 日先可以撕走。隨後 2 星期都會有少少寃痛, 小心唔捽唔掂個鼻就 ok。

姑娘影嗰張相嘅 before & after →

埋線後 2 星期, 收腫後變自然返好多 →

自己近睇仍會見到鼻頭有個針孔仔, 但人哋睇就唔覺眼, 搽少少粉底遮一遮就直頭睇唔到。

1 個月後最新近況 →

完全收晒腫後覺得都好自然呀~ ☺️

而家鼻樑凸起個節位又變返直, 唔再凹凹凸凸 →

而且亦唔會太高太假, 係我想要嘅自然效果, 個鼻又靜悄悄地變返靚 🥰

今次去呢間「JUVENTAS」係比較細間的, 唔係大集團, 只得 1 位姑娘同 1 位醫生, 勝在乾淨企理 + 醫生姑娘有 heart 整 + 姑娘對鼻型好有研究 + 價錢合理 + 零 hardsell (直頭冇 sell 過) 👍🏻

仲要只係於我公司隔離街, 勁近勁方便! (呢個係真正重點 😂)

價錢係 $6280「韓式 4D 鼻位埋線放題」任埋不限線數 

如需加購「法國 STYLAGE 大份子透明質酸針」係 6 折 $2880

除非個鼻本身好夠高, 否則經驗之談只埋 2-3 條肯定唔夠, 揀放題任埋會更實際! 

呢點我有做過 research, 見好多 fb 廣告寫 $3000 幾, 但我打去問先知原來只包 2 條線, 然後再 sell 你任埋七八千。我都有 friend 試過只埋 2 條線, 結論係覺得嘥咗錢冇明顯效果睇, 所以揀任埋至少會有個 budget 預算到, 又有效果睇得見~

P.S. 之前去整時姑娘有講話 1 月會加價

JUVENTAS Medical Skincare

尖沙咀加連威老道 39 號太興商業大廈 12/F 1202 室

Whatsapp 預約查詢 : 9466 3339

FB : https://www.facebook.com/juventasmedicalskincare/