你有冇用開 deodorant 習慣? 係咪覺得沖涼洗極都唔夠乾淨? 我有方法喎~

由 13 歲開始, 我媽就已經買止汗劑俾我用。

可能嫌我中學時期日日打波, 怕我作為女仔有汗味會失禮吧? 😂

之後見成日都有同學仔問我點解個身咁香, 自我感覺良好咗, 久而久之就習慣每日噴完先出街, 咁就噴足廿幾年喇。(有青春期囝囡嘅媽媽讀者們都不妨考慮下)

話說以前啲 deodorant 都比較易清洗, 普通沖個涼就 ok, 不過唔知係咪近幾年啲 deodorant 止汗防水度高咗, 沖涼點洗點捽 / 洗幾次都仍會 feel 到 "啜啜哋", 好似洗極都唔乾淨咁! 咁搽乜洗得唔乾淨都會 block 毛孔啦, 何況係止汗劑? 

如果你 / 你另一半都有呢個問題, 我有方法可以洗乾淨呀~~ 😉

秘密武器就係「卸妝油」! →

買支幾十蚊平價貨就得, 唔需要貴, 任何牌子都 ok~

方法同卸妝一樣, 沖涼開水喉前, 乾手乾 body 用 1 泵份量捽上 underarm 8-10 秒, 過水清洗一下, 然後照正常落沐浴露沖涼, 就會 feel 到明顯洗走晒啲 deodorant 😊

因為止汗劑防水, 所以普通沖涼係好難洗淨殘留物, 但佢防水唔防油嘛, 用 cleansing oil 就溶解到了~