年初曾經分享過 Tom Ford「Traceless Touch (黑盒) 氣墊粉底」嘅用後感, 唔知大家仲有冇印像呢? 舊文重溫 : http://isadoracheng.blogspot.com/2019/Jan/tom-ford-cushion
隔咗咁耐一早用完 lu~~
都真心覺得佢效果係好嘅, 想 encore 買多盒 refill, 不過專櫃姐姐見我皮膚乾, 叫我不如試試新啲嗰款「白盒 cushion」→
其實呢款我之前都有去 counter 摸過, 又唔算話好新, 都推出咗 9 個月, 當時唔買佢係因為遮瑕度比黑盒 cushion 低, 加上推出時係春夏, 用佢又似乎太過光潤, 唔夠啞緻控油......
不過見而家冬天皮膚勁乾, 加上早 2 星期前做完 Wiish Derma 嗰個「等離子 treatment」後膚質好咗, 少咗瑕疵, 唔使再用咁高遮瑕度嘅粉底, 就聽專櫃姐姐講 try try 呢款白盒啦~ ☺️
(下圖取自 Cosmopolitan HK)
Soleil 柔光水瀅白氣墊粉餅 (白盒)
Soleil Glow Tone Up SPF40 Foundation Cushion Compact
具嶄新「三秒提亮轉換科技」+「智慧校色」技術 + 閃亮珍珠粉末成份, 能瞬間令暗沉膚色均勻提亮, 煥發活力光采。貼薄質感配以高效保濕 Tom Ford Infusing Complex 護膚成份, 化妝同時䕶膚, 輕輕一抹即能塑造細緻光滑裸妝。具 SPF40 PA++++ 防曬度
粉底 refill $400 / 粉盒 case $240 @ Tom Ford
共 6 色選擇
之前買黑盒 cushion 剩低嘅粉盒可以用得返, 所以就只買了粉底 refill →
同一牌子肯定啱套~
不過將白盒 cushion 套落黑盒 case 後..... 望上去又黑又白咁, 又真係有啲怪 😅
咁都冇理由為咗望落靚仔啲而再買多個白色 case 嘅, 話晒個粉底 refill 都成 $400 已經好貴.....
外貌各樣同黑盒 cushion 冇分別, 只係成份唔同 →
個粉樸都係同黑盒一樣勁軟勁貼面 + 密度高, 好好用 😍
上粉後 (只搽了粉底, 冇其他) →
睇落好似好反光, 不過實質係冇咁光, 係我企得太近鏡燈照到反晒光啫, 請想像實際情況係反光度減 30% 😅
圖中係印咗 2 層粉嘅效果, 遮瑕度 + 濕潤度都同時疊加咗, 難免會有啲反光, 但掃埋碎粉就會好 ok。另外亦試過薄搽 1 層就唔太反光。
質地都算濕潤, 夠保濕亦夠貼面, 鼻翼位稍乾位置亦唔覺有卡粉問題, 試過趕時間只搽一層精華就上粉都唔覺得乾, 亦撫平順滑到乾紋, 亦試過 on top 掃大量碎粉都唔覺乾~ 👍🏻
只係稍嫌反光到連毛孔都現晒形, 望落仲粗大過未上粉嗰陣...... 😔
不過~~~~~
上完碎粉定妝後, 成個樣就唔同晒喇! →
啞緻返啲效果好好多~ 仲覺得個妝勁貼服平滑添! 😍
Coverage 方面, 如只印 1 層的確係好裸妝 feel, 只能均勻膚色但 cover 不到斑斑 / 黑眼圈 / 泛紅, 我就覺得局部印多 1 層遮瑕度 + 持久度都會更好, 如全面印 2 層就直頭完美~
所有圖都冇搽過遮瑕膏, 覺得 coverge 唔係高但都夠用嘅, 屬中等遮瑕效果, 自然唔厚妝~
唯一只係遮泛紅膚色 (即係我) 效果普通, 印 2 層都仍 cover 不住泛紅。
(2 日前剛剛紋完眼線結痂中, 所以有啲眼腫)
如同黑盒比較, 黑盒會更高遮瑕度 + 更持久 + 更啞緻 + cover 到泛紅, 但濕潤度唔高, 較適合春夏用。
呢款白盒就保濕度較好, 但遮瑕度就冇黑盒咁好, 較適合秋冬用。而持久度就上粉後隔 2 小時鼻周 + 面珠有少少出油, 不過補回少少乾粉後見佢都捱到幾個鐘冇再出油嘅, 至於其他位置就全日冇溶過妝~
Btw, 今個妝我係用咗之前推介過嘅美國 FENTY BEAUTY「Kabuki Brush #160」掃碎粉 →
效果出乎意料地好! 🤩
之前響加拿大時用佢都未有覺得咁正 (可能嗰邊落雪太乾), 返到 hk 再試係好咗好多倍!
我用大量碎粉又印又打圈捽上面, 都冇整花個底妝, 仲要超貼服地將碎粉捽得好均勻, 完美地將粉底同碎粉融合咗! 完全冇其他 Kabuki Brush 嗰種難乾難定妝 / 容易推花個妝 / 厚粉 / 乾 / 易溶妝缺點! 👏🏻👏🏻
Kabuki 掃試過好多, 真係唔係支支都有呢種效果! 呢支 FENTY BEAUTY 除咗係因為毛量超多夠大支 + 毛尖位夠幼細之外, 斜位切割亦會比平面切割更易推散碎粉, 減少推走粉底機會~
不過 Kabuki Brush 始終都係秋冬用好啲, 夏天用一般都會唔夠乾爽易溶妝, 未知呢支會唔會都有呢個情況, 等到夏天再試 😊
溫馨提示
就算工具好用, 都要視乎你用咩粉底同碎粉配搭, 唔同牌子效果都會有點差距~
沒有留言:
發佈留言
注意：只有此網誌的成員可以留言。