不花大錢 ● 美白牙齒 D.I.Y

這個在外國瘋傳已久的 "D.I.Y 美白牙齒" 方法, 我終於試了!

其實要把牙齒漂白, 我試過最 work 、最快的方法是做 "藍光", 會即時變白 2-3 個色階! 屬白得好興奮、好開心的級數~

但缺點是要靜止安坐 45-60 mins, 悶得發荒.... 而且亦非常貴! 牙醫做一次約 $3000-$4000, 加上並非永久, 只可 last 半年至一年, 能 keep 多久完全視乎飲食習慣, 如經常飲茶 / 咖啡等, 就不會持久了..... 咁計法, 每年做一次真的太貴....

至於什麼美白牙膏、漂齒貼、家用美白牙齒藍光機、漂齒牙粉等, 我已經試過無數咁多, 也有朋友試過說 ok, 我亦覺得她的牙齒有變白到. 可是用在我身上嘛, 卻全部都不起作用, 就算有, 效果都輕微到極不起眼, 用後分別不大 = 冇用....

所以就把心一橫, try try 這個 D.I.Y 方法好了!

材料不過是一小片檸檬 + 少許梳打粉, 所費無幾, 除開成本每次只需 $1-2 蚊~

這個 "檸檬 + 梳打粉" 美白牙齒方法, 我 2 年前在網上已經看過了, 只是一直未試..... 

到半年前終於的起心肝, 買了盒梳打粉 try try~

至於預防牙齒變黃的方法, 不外乎是少飲少食中國茶 / 奶茶 / 可樂 / 咖啡 / 豉油 / 老抽..... 即任何有色素的食品 = 講了等於無講, 戒到先講.... 所以說了便算....

 超市買的梳打粉, 約 $20 左右:

用任何食用梳打粉都 ok, 不一定要這款.

原理是檸檬含果酸, 亦有美白作用. 而當梳打粉與酸性檸檬汁 mix 埋後, 會產生二氧化碳泡沬, 具美白牙齒之用.

如怕檸檬太酸, 其實用青檸 or 士多啤梨都 ok~

不過用檸檬就更易用手指搾到汁, 及美白效果更好而已~

搾出檸檬汁入梳打粉內:

(會起泡 + 聽到 "咋咋" 聲)

用牙刷 / 手指, 打圈混合成糊狀:

然後就..... 輕力刷牙 10 數秒左右:

刷的時候, 牙肉會 feel 到輕微酸酸軟軟 (是檸檬很酸的原故), 如覺得太酸, 可縮短刷牙時間, 又或是下次改用士多啤梨 / 青檸吧, 會冇咁酸~

效果

第 1 次試, 有白了丁丁丁點....

第 2 次試, 又覺得再白了丁丁丁點....

第 3 次試, 又有再白了丁丁丁點....

就這樣~ 

雖未至於白到有驚嘆的程度, 但已經好過那些美白牙膏、美齒貼多多聲~

Remarks

緊記因始終含果酸, 如太用力刷、刷得太耐、或做得太密, 一定會損毀琺瑯質! 所以只能超輕力的刷, 甚至不用牙刷, 改用手指輕揉牙齒表面都 ok 的~

而網上說可每星期做 2 次, 我認為是太多了! 自覺每 2-3 星期 1 次, 每次 10 數秒已非常足夠~

(口腔內有傷口 / 有牙周病 / 牙肉發炎 / 有長期病等的人, 並不適合用這個方法)