超正 Melvita 有機 "妹妹清潔液"! (女性衛生護理液)

少有地第 1 次推介女性衛生護理用品，因為呢支真係超好用~!!

衛生巾之類用咩牌子呢 d，我其實覺得好視乎個人喜好同需求，我鐘意的並不代表其他人用都 ok，所以一向謝絕推介，就算有被問過 sponsor / 拍廣告都唔會接，完全唔係我 style。

但呢支「Melvita」有機 "妹妹液" 真係唔介紹唔得! 未用過都唔知原來 "妹妹液" 功效可以咁好!

呢支係無無聊聊地聽朋友推介而試，而之前就一向用開「LACTACYD」，亦有用過「施巴」。至於點解開始用? 

其實年輕時間中都會用下，但又覺得唔係必需品。

直至 7 年前生 BB，因為順產後一段長時間必需要用 "女性衛生護理液" 溝清水沖洗陰道傷口，用用下用慣左，所以 keep 住用到而家，但只習慣於經期時、或經期前後使用。

不過我仍然唔覺得係必需品.......

直至遇上呢支 Melvita! 

真係唔試過都唔知原來 "妹妹液" 都有分好用 / 唔好用架! 

於經期時沖涼用佢，日間明顯地零異味! 而平常使用，分泌物亦會顯著減少! 亦試過有次尿道感染或痕癢時沖涼用佢 1 次 (女性真係好易有呢個問題)，已可即時舒緩，用幾日後仲 K.O 埋問題! 

以前用「LACTACYD」都唔覺有咩咁特別，用過「Melvita」先知原來 "妹妹液" 係可以有咁既 function! 加上佢係 organic 有機產品，更防敏、更安全、安心，正~~

至於點解女性特別易有尿道感染 / 痕癢問題，除了因為經常著 tignt jeans / tight pants 侷住及磨擦，亦因平時去完洗手間用紙巾抹錯方向 (應由前向後抹)，及可能係因分泌物流量多、易有菌等種種原因。呢 d 真係要女人先會明，姐妹們你懂的。

至於 1 支可以用幾耐? 

以我並非日日用，只在有需要時 /  經期時 / 突然 mood 到抽起條筋想用時才用計 (大約每個月用 10-15 日左右)，每次用 1 泵，買一支用了半年都未用完，好似仲剩 1/3。同埋佢係 gel 質地，杰身過「LACTACYD」，每次用 1 泵都好夠。 (沖涼時清洗陰道附近用，會起泡)

價錢的確係比「LACTACYD」貴，不過真係好用好多! 係值的! 我用了「LACTACYD」咁多年都轉用佢，回購度 100%~

產品資料 →

Melvita 有機女性衛生護理液

性質溫和，適合每天使用，不影響尿道內襯膜的敏感度，以蔬菜為基礎的泡沫配方， 蘊含具淨化作用的小紅莓及糖分中的乳酸，具軟化及保護作用的錦葵及大紅花，不含鹼性，21 位自願參予臨床實驗的婦女，對女性衛生護理液帶來的感官享受（質感，泡沫）及功效（潔淨舒適） 均表示滿意，認為配方容易清洗，不易引起敏感。

$200 / 225ml @ http://hk.melvita.com