2016年6月29日 星期三

【新上架!】Phyto-Lab 極高濃度 SRP 精華面霜

以香港品牌護膚品來講,新成立一年的「Phyto-Lab」可謂紅遍天! 電視節目姊妹淘、雜誌、網媒、明星、model 等等好多人都推介過~

當然你亦都可以話係 "做媒宣傳"? 但我就認為如果產品本身冇實力,單靠燒銀紙宣傳根本冇可能走得咁遠,冇效而普通的 skincare 通常幾個月就會被淘汰,更莫論會被追捧至今。

記得一年前 Phyto-Lab 剛成立時,就只有 2-3 款產品,它們的美女老板亦曾經上來找過我,希望我可以試用一下俾少少意見。

老實講,要成立一個新品牌係好難,冇 gimmick 唔特別就會好快被 bye bye,現今消費者一 d 都蠢,並唔會因某某明星於 instagram / facebook 影張相推介過就盲目追捧。

但點先至叫特別? 搵個明星代言人 / 包裝靚 d 就得? 冇可能吧? 講到尾都係睇成份 + 濃度等 formula。不過咩成份、咩濃度、邊種溝邊種配方先叫對皮膚最有效? 我同你都唔會知,就算知都只係皮毛,除非真係 lab 人。

而 Phyto-Lab 的美女老板 "英老師",就正正係師承世界頂級護膚品科學家及配方員,修畢美國及澳洲知名學府護膚科學及配方高級證書,以 distinction 榮譽成績畢業,再走遍各地名廠挑選品質最優良成份,跟實驗室合作研發自家的獨特配方,創辦 Phyto-Lab。佢對護膚成份 + 皮膚的認識,我係甘拜下風,難以 challenge。

對於 Phyto-Lab,我唔單止係配服,而係崇拜,深信 Beauty is Science~

呢一篇,我唔想單單寫下用後感,因為要瞭解 Phyto-Lab 的 skincare 有幾好,就一定要由成份開始!

我於網上某討論區見過有人話 Phyto-Lab 只不過係香港品牌,唔係外國貨,點解要咁貴? (應該係指佢支 "B3 份子酊精華",因為佢面霜 / 潔面品都不貴) 

唔通外國月亮真係圓 d? 

其實外國專櫃品成份都唔一定係採用高質量貴材,而且佔大部份成本都落在廣告 / 代言人 / 舖租 / 宣傳上,所以值唔值應該係睇成份、濃度、效果、質感等等,而非因為佢係 local 品牌就斷定佢唔值錢。

Phyto-Lab 雖然係本地牌子,但佢全都係用名廠最優良品質成份,主 sell 高濃度有效配方,更採用符合 GMPC 、ISO22716 等國際標準廠房生產,所有產品亦經過 HKSTC 測試,以確保符合 FDA、GB 等的國際安全標準。

而且佢所有產品都採用不阻塞毛孔、或引致暗瘡粉刺的成份、更不含酒精及香料、亦不加入黏稠劑的。  

佢支皇牌 "15% B3 份子酊精華" + "藍銅胜肽精華",我好耐之前已經推介過,而今次的主角 "極高濃度 SRP 精華面霜",賣點就係胜肽 + 分子酊 + 角鯊烯 + 白藜蘆醇 

"胜肽" 好多人都知對皮膚有一定效用,但就未必人人都知其實胜肽濃度一低 = 冇效,純度亦係關鍵之一,而且單用一種胜肽的效果並唔會夠全面。

而呢盒精華面霜就採用高濃度 "五胜肽" (可促進膠原蛋白增生,抗皺功效比維他命 A 及 C 更強) + "六胜肽" (類肉毒桿菌素,可放鬆皺紋),純濃度高達 69%。

另外人體天然補濕因子成份 "角鯊烯",亦非選用普通 "角鯊烯",而係植物性飽和狀態的角鯊烯,更有效於補濕鎖水,而且不易氧化變質。

除此之外亦蘊含抗氧成份 "白藜蘆醇",濃度 10% 遠高於同類產品。仲有比透明質酸補濕鎖水功能強 16 倍、能促進表皮角質層細胞間脂質的重要成份 "分子酊",及具紓緩消炎及補濕柔膚功效的 "洋甘菊精華" 等等。

全都採用細份子名廠高濃度有效成份,真材實料。

即係話濃度愈高= 愈好??

唔係,不過濃度愈高成本就會更貴。而每種成份濃度都有上限,舉例說以維他命 B3 精華為例,20% 係最高,但好大機會爆瘡,15% 比例係最 good fit,低過 10% 就微效等等。

所以濃度 % 點調配,幾高先係好,係要對皮膚及配方有真正專業知識的人先會識,而唔係求其買條 formula 返來,加加減減改兩改就話得,連自己都唔用就推出市場賣個班投資者。

之所以我咁信 Phyto-Lab。

功效方面 :

呢盒 "極高濃度 SRP 精華面霜" 主要係補濕 + 撫平幼紋乾紋 + 修護粗糙皮膚用途,並可於皮膚上形成天然保護屏障,減少水份流失,達致水油平衡最佳肌膚狀態。Bonus 係有效於幫助皮膚修復癒合,加速疤痕消退,延緩光衰老,使肌膚變得柔軟~

性質溫和,可早晚使用,適合乾燥缺水、薄弱敏感、細紋幼紋、暗啞、缺乏彈性的膚質。

敏感肌 / 孕婦均能使用。

我已經差不多用完一盒 →

質感明顯同普通面霜 / 精華面霜有分別 →

唔係 cream,唔係 gel,又唔係乳液,我都唔知點形容,係好獨特的質感,就似係精華 x 乳液中間、但又比乳液杰身。

伸展度屬極高,少少份量已可推得好遠,如下圖手背的份量已經足夠搽到 2 次臉!

感覺係屬於潤而不膩個種,一邊搽一邊會 feel 到佢吸收,有種好柔軟好 soft、好補濕的感覺~

由於佢所有成份都採用極細份子、秒速滲入肌底個種,所以你唔會覺得佢有油膩感,屬 "底層運功" 一類,面層雖仍會 feel 到補濕、望落去乾紋又有改善,但就唔會好似一般面霜、搽完後有層滋潤油膜包住咁,因而有 d 人可能會覺得佢唔夠潤。

不過我都講過,面層滋潤其實只係掩眼法,真正能改善膚質的產品永遠都係底層運作、細份子個批。如果真係未習慣用細份子 skincare,夜晚也可另加 sleeping mask 之類,但我自己就覺得佢夏天用係已夠補濕的~

要改變自己對質感的喜好係唔容易,好似我以前一直都偏愛用大份子 skincare、鐘意晚晚搽到油淋淋咁,都用了幾個月時間先扭轉到觀念。但習慣了之後,我反而覺得原來用細份子 skincare 先係對皮膚最有改善、更有效、最零負擔~

我一向唔係賣花就讚花香的人,我的花通常都係自己用過一段時間、跟同事探討過、覺得真係好、真係有效、跟住先會入貨再推介,我亦希望能抱住中立、公平的角度去介紹自己店內有賣的產品。

今次 Phyto-Lab 的 skincare 我上年未出售前,都曾經拍片讚過多次,並非因為而家店內有售先開始讚。其實一直都知佢好,只係因為佢有部份產品售價較貴,我唔敢入貨而已,足足考慮左半年有多。

講到好似好貴咁? 其實 Phyto-Lab 貴的就只有 "15% B3 份子酊精華" / "藍銅胜肽精華",至於今次推介的 "極高濃度 SRP 精華面霜",以及佢支潔面 gel,其實都係中價位 $300 左右,不算貴的~


原價 $420 / 30ml


Btw一年一度 Summer Sale 開始左喇~

銷售點 :
專業化妝課程 ● 化妝服務 ● 化妝品零售          

香港九龍尖沙咀廣東道 116-120 號海威商業中心 12 樓 B 室
(港鐵站A出口, 位於 Apple Store 旁邊)    
星期一至五 1:00pm - 9:00pm / 星期六 12:00noon - 8:00pm (逢星期日休息)     
查詢電話: 2311 9682 
所有貨品項目及優惠: http://makeupsecret.com.hk/products

歡迎親臨店舖購買、或 click 入 Facebook 專頁 透過 Inbox 訂購 (順豐速遞, 運費自付): https://www.facebook.com/makeupsecret.hk/




13 則留言:

  1. Hi Isa, 請問beauty blender粉樸係咪1定要配番佢洗樸皂先得?
    因為我岩岩買左shu uemura洗樸液.. 又唔想哂野..THX!!!:)

    回覆刪除
    回覆
    1. 唔係 ga~ 用其他洗粉樸液都得的, 只要盡量唔好用劣質的就 ok (會分解粉樸結構易爛)~

      刪除
  2. 請問最近好hit既一秒神水,大肚婆可用嗎?

    回覆刪除
    回覆
    1. 孕婦是不能用含酵素的 skincare 的,而一秒神水成份內就有多種酵素, 雖然佢係話天然酵素, 不過就冇標明孕婦用唔用得, 所以都係問返佢地好 d~

      刪除
  3. 請問這面霜適合年輕肌膚嗎? 另外想知道Summer sale 做到咩時侯? Thank you Isa

    回覆刪除
    回覆
    1. 也適合年輕肌膚、混合至偏乾的膚質, 不過油性皮膚就唔適合~ 另外 Summer sale 做到 9/7~

      刪除
  4. 你好!我一直用開ultima ii那隻魚子面霜,但香港已不再買得到,我又咁啱想試其他面霜,請問這隻的潤度差不多嗎?我是中女偏乾(開始出紋)的皮膚,偶然少少暗瘡那種。

    回覆刪除
    回覆
    1. 呢隻會冇魚子面霜咁潤, 比佢薄少少, 雖不能好似魚子面霜般當 MASK 敷, 不過補濕效果都唔錯, 同埋滲透度幾好個類, 但就不屬於好潤, 晚上我搽完後會再薄敷一層於偏乾的部位上睡過夜咁~

      刪除
    2. 噢咁可以不夠潤~~~如果我想買番類似魚子面霜那麼潤的,你有沒有介紹呢?YSL可以嗎?好像你有介紹過。

      刪除
    3. 可以呀~ YSL 個樽會比較潤~

      刪除