夏天防曬特集之五 : 泰國 THANN 新出「天然紫蘇防曬面霜 SPF30 PA+++」

對於「THANN」泰國品牌，大家應該唔陌生，我都有買開佢 d 野，只不過全部都係 body 產品 / 香薰油 / 空氣淨化產品，而講到護膚品都係第 1 次試~ 

(又唔係話完全冇試過既，買野送的 sample 算唔算?)

今次試用呢支「天然紫蘇防曬面霜 SPF30 PA+++」，用左一星期就已被老公 "充公" 自用，貪佢 oil-free 零油份夠清爽咁話.....

其實.... 老公先係 THANN 粉絲! hahaha~

產品資料 →

成份蘊含納米紫蘇及白茶精華等等，除有效預防 UVA / UVB 對肌膚的傷害，阻止黑色素形成，減低因曝曬對肌膚的刺激，預防肌膚過早老化及皺紋，更能增強肌膚亮度及彈性。

質感幼細柔滑，適合所有膚質使用。屬不含油脂配方，不會有油膩感覺。

$300 / 40g @ http://www.thann.com.hk

(trial product given by THANN)

夏天又熱又侷，當然唔想搽咁多 skincare 上臉，但唔搽防曬又唔得喎，所以 oil-free 防曬霜的而且確係 gimmick，夠清爽!

屬乳液質感 →

質地夠水嫩，易推易搽勻，零厚杰感 →

因為係 oil-free 配方，感覺比其他防曬日霜都更清爽，而且快吸收，特別適合偏油肌膚 / 討厭搽完防曬後有層油膜包住的人用~

我覺得呢支唔止女仕，其實連男仕都好適合用，可同另一半 share 用~

(所以老公一試完就據為己有)

搽完日常 skincare 後待吸收 3-4 分鐘，再搽呢支 THANN 睇睇 →

以夏天 30 幾度高溫計，呢支 THANN 搽完後的確唔會油光滿面，冇色 (冇變灰白) 亦冇黏稠感~ 至於補濕度就僅屬輕微，不過夏天用都夠，無需太潤。

乾性肌 / 成熟肌可能會嫌唔夠潤，但都可以自己搽隻潤少少精華打底的。

個質感真係幾好! 唯一嫌佢防曬度 SPF 30 PA+++ 唔夠高 (但日常室內用都 ok)，如果高多少少就更 perfect 喇~~