如果大家有 follow 我 Facebook 的話，應該知道我剛從大阪回來了~
今次去日本當然又買咗唔少化妝品 ，不過因為需要少少時間試用先分享到效果，所以今日就先 share 住 LA MER 新出嘅氣墊粉餅用後感啦~ 😊
Luminous Lifting Cushion Compact Foundation 亮肌妍塑氣墊粉餅 SPF 20 →
集皇牌活膚功效與亮麗覆蓋於一身的美肌粉盒。 糅合 Miracle Broth™活膚精華的水潤修復力量及鎖色包囊技術，有效提升肌膚亮度，上妝仍後持續滋潤賦活肌膚，小休時補妝就如為臉龐增添水潤乳霜，讓你時刻展現無瑕亮釆。
LA MER 嘅皇牌面霜「Crème de la Mer ($1500 / 30ml)」唔少人都試過，而今次新推出嘅 cushion 粉底亦包含咗皇牌專利活膚成份 Miracle Broth™功效响裡面，所以會比較貴，先睇睇有咩 gimmick :
- 長效持久配方
- 獨特親膚配方
- 遮瑕度可隨喜好逐層叠加
- 適合任何天氣及濕度下使用
- 專利鎖色膠囊技術能保持色調天然真實感，妝感不會厚重或變黄
- 獨特設計的粉樸質地具精密細孔及網絡，有助粉底能平均分佈
$950
一套包括粉盒 + 粉底 2pcs + 粉樸 2pcs / 共 12 色選擇 @ http://www.lamer.com.hk/zh-HK/home
(trial product given by LA MER)
外型設計係貫徹始終的 LA MER feel，金色鏡面粉盒，感覺高貴 →
雖則係有啲容易印到成個鏡盒都係指模.... 😅
未睇粉底之前，不得不先讚一下個粉樸! 👍🏻
雖然望上去同一般氣墊粉樸冇分別，不過印上臉又真係 feel 到質地特別柔軟，上妝又特別貼面均勻，唔錯唔錯~
至於浸住粉底的海綿望上去就冇乜特別 →
色號 #Neutral Ivory 12 →
由於呢盒係 PR gift 顏色唔係我揀，初初印上臉感覺係比我膚色白咗少少，但隔一陣與膚色融合後仍可接受，未算太白。
如跟我膚色差不多的話，建議揀深一號色更穩陣~
而搽粉底之前，我就用咗 Jan Marini 呢支新出嘅「Age Intervention® Peptide Extreme 科研活胜肽修護精華」打底 →
Jan Marini 支皇牌 Booster 精華好多人都用後都大讚能改善膚質 (舊文重溫 : http://isadoracheng.blogspot.com/booster )，而呢支新出嘅精華就係 Booster 嘅「輕透版」，不但質地更輕盈更適合 summer 使用，售價亦比 Booster 平一截!
集合 4 種創新活胜肽、必須脂肪酸、抗氧化物、保濕鎖水成份而成的一支濃縮精華，針對衰老皮膚而設，有效刺激骨膠原增生、增加皮膚緊緻及彈性、減少皺紋、均勻膚色、改善泛紅及敏感、修復老化細胞，使皮膚回復青春水嫩。
$958 / 30ml @ https://makeupsecret.com.hk/intervention-peptide-extreme
由於我皮膚薄又易泛紅，一直都靠搽 Booster 去改善膚質，但夏天我日間上妝前就會用呢支新嘅精華打底，不過今日佢唔係主角，下次先再詳細介紹佢啦~
用完 LA MER Cushion 粉底上妝後 →
下圖係印咗 2 層粉底嘅效果，如只印一層的話妝效會更薄透自然，但對我嚟講就唔夠 coverage，所以就印咗 2 層。
可以見到均勻膚色方面係冇難度，粉質亦非常貼面，就連鼻翼位都冇卡粉問題，而泛紅 / 黑眼圈等色素亦 cover 到 7-8 成，但色斑就只 cover 到一半左右。
優點係唔會有一般 cushion 粉底嗰種 "濕濕 lup lup" / 厚重妝感，搽勻後即呈半啞緻妝效，同時又唔會覺得乾或繃緊，仲有少少天然透光感散發出嚟，好適合而家 summer 天氣使用~
陽光下妝效 →
上圖枱燈白光下影出嚟膚色會有些少顯白，加上咁 close up 影毛孔又會特別顯眼，不過其實出到街天然陽光下睇，妝效係好自然的，亦唔覺得白到接受唔到~
效果係 natural 到如同 second skin 一樣，話係冇化底妝分分鐘都有人信，完全 fake 到~ 😂
而持久度亦比我預期中 long last，大約 keep 到 4-5 小時左右先需要補少少妝，但就唔覺有浮粉 / 變黄問題，出油情況亦唔嚴重，只係遮瑕力會變薄身咗咁樣。
同嚟補妝又點睇?
大部份人補妝都習慣用 "乾粉餅"，貪佢更吸油控油，補完粉個妝會變回啞緻，其實都係啱嘅~
只不過 "乾粉餅" 遮瑕力一般較弱，就算係用遮瑕力強嘅粉餅，都仍然不足以 cover 返溶咗嘅瑕疵如黑眼圈 / 暗瘡 / 色斑 / 泛紅之類。
所以除非本身冇乜瑕疵，否則正確補妝步驟都應該係用咗 cushion 粉底 or 遮瑕膏先，然後先再用乾粉餅 hold 返住個妝的。
以用呢盒 LA MER Cushion 粉底補妝為例，由於佢本身質感唔算太濕潤，加上一印完已經係半啞緻 feel，所以 dry skin / 混合肌用嚟補妝基本上已經唔需要再用乾粉餅，係方便的~ 👍🏻
(不過面油勁的人 / 天氣勁熱時，仍然 recommend 隨後再局部印上乾粉餅更好)
總括而言除咗售價有啲貴之外，呢盒 LA MER 都係唔錯嘅選擇，特別適合 dry skin / 混合肌夏天用~
沒有留言:
張貼留言