2019年8月24日 星期六

我嘅「雙眼皮吊線」7 日後情況 + downtime 期每日圖

我嘅「雙眼皮吊線」不經不覺已經整完咗 7 日喇! 最辛苦嘅時間已經過去! 🎉🍾

儲咗 10 年勇氣先夠膽整, 就係怕個 downtime 期會好恐怖, 好耐唔見得人之類...... 而家終於的起心肝整咗, 究竟實際每日復原情況係點? 期間有冇瘀? 有幾紅腫? 一星期後個樣又變成點呢?~

So far 只過咗 7 日, 其實都仲未睇到最終效果住㗎! 至少都要過多 2 星期先知, 暫時係仲未消晒腫未 balance, 不過都報告一下呢 7 日狀況啦 (都見得人嘅), 因收到 sms 聽聞 9 月會加價。


 loop 整完刻個樣 →

初初整完係唔太自然, 始終都有幾點傷口仔, 眼皮會腫漲凸起, 眼褶位望上去亦較闊較誇張 / 線條未夠順暢有啲起角 / 兩邊未 balance 等等, 要有心理準備一定有 downtime 期, 待消腫後就會變得更 natural 😊

吊線資料重溫喺呢度:


1 日整完傷口位有啲紅, 眼皮亦較腫漲 → 

頭 3 日要返屋企敷冰袋 + 食醫生俾嘅消炎藥 💊

痛就唔算太痛 (少少梗有), 完全預咗接受到


日 →

仲係明顯腫緊, 不過就已經退咗紅, 至少好過第 1 日先, 已比我想像中好。感覺方面仍有少少痛, 但只要唔掂個眼皮 / 唔大力眨眼都 ok 嘅。

當晚出街同朋友食飯, 笠頂 cap 帽遮一遮, 完全冇人發覺原來我前一晚做咗吊線 😆


日 →

右眼傷口經已好返 7 成, 係眼尾有 2 點結緊痂啫, 都算康復得好快 👏🏻

但掂落去眼皮 / 大力眨眼都係痛, 唔掂佢就冇嘢


不過左眼就瘀咗 

頭 1-2 日都唔覺得有瘀, 係第 3 日先開始浮現, 不過就唔係好痛嘅...... 之前醫生 + 整過嘅 fd 都講過話有可能會瘀, 佢話如果出現瘀黑, 第 4 日開始可以「熱敷」散瘀 🔥


4 日 → 

熱敷完 1 次後開始散瘀, 由瘀黑色變為啡黃紫色, 巧驚驚..... 🥺

唯有帶帽遮住先, 繼續努力熱敷多幾日 💪🏻

撇除瘀嗰 part, 傷口就經已好返 8 成, 仲有少少紅, 但已平滑過之前冇咁凹凸, 仍見到有傷口仔


擘大眼睇隻眼好似多咗撻好 colourful 嘅 eyeshadow 咁 🤣

至於眼褶位條線就順暢過之前幾日, 亦見到闊度開始慢慢收減回落, 不過眼皮就仲未消晒腫, 仲係腫漲凸起, 但感覺就冇之前咁重。


5 日 →

瘀嘅情況持續, 但已經好返好多, 再熱敷多幾日應該能完全退瘀 💪🏻

眼皮就仍然腫腫哋, 不過都好過之前一日少少


近睇見到瘀嘅情況已明顯有好轉, 一日比一日消退中 →

傷口就已經退晒紅好返 9 成, 但大力眨眼都有少少冤痛


6 日 →

熱敷咗 3 次, 仲有少少瘀黃色未散清, 但行出街人哋係睇唔出嘅, 自己睇就當然好覺眼

至於眼褶位闊度, 又再比之前 2 日收減回落咗少少, 不過仍然係未退腫 


第 7 日 (today) →

除咗一隻眼仲有少少瘀, 另一隻眼仲有少少腫之外, 望上去都冇乜嘢, 雖未完全好返晒, 不過都康復得好快。而眼皮就仲有少少凸起未 balance, 仍然 feel 到漲漲哋, 擘大眼要用啲力嗰種, 大力眨眼仲係有啲冤痛, 不過線條就順暢返好多, 冇第 1 日咁起角, 亦見到闊度每日回落緊, natural 過之前 👏🏻

幾位整過吊線嘅 fd 都話, 整完至少隔 3-4 星期先叫完全好返, 先會消腫變 balance, 叫我唔好咁心急等耐啲再睇。咁我都預咗嘅, 反正而家呢個樣又唔係唔出得街, ok 啦~ 再等一下~


暫時去到第 7 日先, 隔耐少少再 update 情況~ 

本來想等多 2 星期消腫後先 post 文, 不過都知大家心急, FB 每日都收到好多人 inbox 問我情況, 加上醫生又好似話 9 月加價, 於是趕緊 post 住 7 日圖先 ☺️


點解揀呢間整?

其實只係望過幾間冇刻意揀, 咁啱見佢 FB 廣告彈出嚟, 望望下又好似幾 ok, 問佢價錢先知竟然咁平喎! 原先只係諗住問下, 見咁平就叠埋心水整咗佢算喇! 我不入地獄誰入地獄 😆

勝在唔 hard sell 又冇隱藏收費, 埋單確係 $6800 (包 1 個月後覆診), 驚喜在咁嘅價錢醫生都勁細心 (我有試過出面有啲醫生, 好似打仗咁一句起兩句止, 快做快趕你落床走)。不過都要視乎你眼皮情況, 如想要雙眼皮明顯啲 / 眼皮太重等等, 就要另加 $3000。

做前要先預約做免費 consultation, 故娘會解釋做法技術 + 評估雙眼情況 + 篤個眼皮褶位俾你過目等等, 可做完免費諮詢再決定整唔整。


內裡裝潢 →

我上個 Fri 去, 眼見真係有好多人排住隊整, 似乎真係好 common, 一個接一個咁! 我有 2 個 fd 見我整完冇乜嘢, 之後都 book 咗整。

不過效果 / 手勢好唔好呢點, 我就比較唔到喇, 眼只得一對, 唯一機會都交託咗俾呢位醫生了😆

溫馨提示 : 人人效果有別喔, 做前請先向故娘查詢好風險及評估情況, 我係自費的非廣告, touch wood 萬一有咩整得唔好請別怪我喔 😘 


「華廷」FB 專頁: 

P.S 呢個係我整嗰陣嘅收費, 聽聞 9 月會加價, 但加幾多我唔知, 詳情可自行聯絡佢哋查詢


11 則留言:

  1. Isa, 過多一排可唔可以post 下你對眼嘅情況呀~~?😘

    回覆刪除
  2. 首先多謝您無私的分享,睇完你嘅個案之後,我已經下定決心去做了,但我的眼皮屬於鬆弛下垂內雙眼皮, 你覺得我可以做吊線呢嗎?我想知道一年之後的你,眼皮的闊度是怎樣的呢? 可以分享一些圖片給我嗎?謝謝。

    回覆刪除
    回覆
    1. 千祈唔好去呢間 我試咗 好不負責任

      刪除
    2. 千祈唔好去呢間 我試咗 好不負責任

      刪除
  3. 我2月6號既時間 係香港華廷個到做左雙眼皮 做雙眼皮$8000 加條緊致啲嘅線就$2000 拆線都係$2000 全程都係個護士做 醫生只係喺則面 坐,都有問過點解係護士做 個護士話個醫生眼花,ok 到最後真係整衰咗大細眼,初頭只係堅持 話係未消腫,但我都整個2次雙眼皮 係冇可能咁快都唔會消 堅持要三個月之後先肯重做,但係其實我想講嘅係 依家公司雖然係有三個醫生 但係其實都係嗰個所謂嘅護士做 因為佢無牌 就請個醫生返嚟坐。
    事後,因為我好不滿 我話我會call記者上去佢先肯退返 9500比我,死都唔肯退全數 因為佢話要比醫生錢 但係醫生係乜都冇做我都唔知點解要俾錢。而我隻眼就造成左 永久嘅傷害 因為佢將條線唔係埋入脂肪 係埋左入 肌肉

    回覆刪除
    回覆
    1. 不過睇佢做完個張相,唔太覺得靚,個眼皮都唔大仲有小小奇怪

      刪除
  4. 我2月6號既時間 係香港華廷個到做左雙眼皮 做雙眼皮$8000 加條緊致啲嘅線就$2000 拆線都係$2000 全程都係個護士做 醫生只係喺則面 坐,都有問過點解係護士做 個護士話個醫生眼花,ok 到最後真係整衰咗大細眼,初頭只係堅持 話係未消腫,但我都整個2次雙眼皮 係冇可能咁快都唔會消 堅持要三個月之後先肯重做,但係其實我想講嘅係 依家公司雖然係有三個醫生 但係其實都係嗰個所謂嘅護士做 因為佢無牌 就請個醫生返嚟坐。
    事後,因為我好不滿 我話我會call記者上去佢先肯退返 9500比我,死都唔肯退全數 因為佢話要比醫生錢 但係醫生係乜都冇做我都唔知點解要俾錢。而我隻眼就造成左 永久嘅傷害 因為佢將條線唔係埋入脂肪 係埋左入 肌肉

    回覆刪除
    回覆
    1. 聽完你咁講好得人驚,眼得一對

      刪除
    2. 好彩睇到你留言

      刪除
  5. 請問有冇相可以睇下呀

    回覆刪除
  6. 好嚇人��,眼得一對,衰咗點算!!!好彩睇到你的分享,避過一劫!��

    回覆刪除