醫美療程後必試!「MATRICIUM® 注活細胞能量昇華水 (再生水)」

呢個紅白色盒超顯眼嘅「MATRICIUM® 再生水」, 大家去萬寧時可能都有見過, 只係唔知佢有咩用, 但又要幾百蚊盒? 

我知我知! 我以前用過呀~ 🙋🏻‍♀️

其實佢係專為醫美 treatment 前後而設的 (如 laser / 煥膚 / 膠原槍 / 微針 / HIFU / RF 等療程), 可迅速修復肌膚並加強 treatment 後續效果, 亦特別適合敏感肌及受損肌膚用, 如受陽光 / 天氣 / 荷爾蒙紊亂等影響而受損嘅皮膚~

屬大家熟悉嘅「BIODERMA」旗下科研 14 年嘅護膚品, 具全球皮膚修復專利, 受 40000 位皮膚科醫生推崇。

雖然健康肌膚都用得, 但私心認為既然唔係平, 就梗係留返做完醫美 treatment 後先用啦 😉

分享一下用後感~

MATRICIUM® 注活細胞能量昇華水 (再生水) 

經 14 年科研並獲全球皮膚組織修復專利, 具超微細活性養份, 能迅速滲透肌底直達真皮層, 有效輸送養份至肌膚細胞即時賦活, 重建健康細胞組織及膠原生長環境, 引導皮膚自我提升鎖水力 + 抗紅抗敏力 + 彈力, 同時撫平皺紋。

連續使用 8 星期, 能使肌膚細胞重拾 20 歲年輕活力。

上圖係剛剛收到嘅 trial gift 試用品, 而下圖呢盒係 10 個月前我自己買來試的 →

獨立無菌包裝設計, 每支均印有 expiry date →

不含防腐劑 / 對羥基苯甲酸 / 香料 / 酒精 / 低敏感性 / 不引致粉刺

15 日裝 $399 (每支 1 ml x 15 支) 

30 日裝 $720 (每支 1 ml x 30 支)

萬寧或 BIODERMA 概念店有售

BIODERMA 網址 : https://www.bioderma.hk/

使用方法 → 

每支可用 2 次, 分早晚用, 開封後需 12 小時內用完

次序係洗面後 → 爽膚水 → 用呢支 MATRICIUM® 再生水 → 精華 → 日霜或晚霜

Size 細細如帶去旅行用係勁慳位方便! 用完 1 支就掉 1 支 😊

質地係好似水咁稀身, 零香料氣味 →

10 個月前買佢嚟試係因為打完 laser 淡斑嫩膚 + 做完 V Lift 瘦面機 , 覺得皮膚好乾, 又易泛紅易痕, 同埋一向認為機類 treatment 效果雖然好, 但唔多唔少都對皮膚有傷害, 做完嗰排皮膚都會特別乾同 sensitive, 頭 2 星期係一定要用返啲科研 skincare 補一補嘅 😊

起初頭幾日試呢支「再生水」係唔覺得有乜特別, 並冇即時效果睇, 亦唔見搽後有特別保濕, 真係好似搽咗啲水上面咁, 同爽膚水類似, 不過用咗 2 星期之後, 就開始察覺到皮膚冇咁易乾易泛紅, 回復正常之餘亦見到膚質光滑咗~ 

咁其實正常做完機類 treatment 後如果有好好保養, 皮膚都應該會靚咗嘅, 唔係做嚟做乜 😝

而呢支「再生水」我覺得係再 boost up 咗個效果咁啫, 咁既然做得機都係想效果好, 就唔爭在用埋呢類科研修復 skincare 了~ 

不過我係好慳地每次做完 treatment 只連續用 2 星期 (即 15 支), 見膚質有改善就停用, 而剩低嘅 15 支就會留返下次 treatment 後用咁樣, 所以又未見証到係咪連用 8 星期會顯著變年輕? 下次 try try 先~