整雙眼皮包 1 年免費調整?! 我又去重新整過, 效果仲靚過之前! 💪🏻

2 個月前去「華廷 Grand Palace Medical Group」做咗人生第 1 次雙眼皮吊線, 已經開心 share 過好滿意, 消腫後人人都讚效果好自然~ 👍🏻

分享文重溫 : 第 1 次整吊線效果 + 感受 連結 及 7 日 downtime 圖

咁咩事又去重新整過呢?? 🤔

先睇睇第 1 次吊線後 1 個月效果 →

其實我覺得好 ok 呀~ 但上次咪講過我本身右邊眼皮係特別重嘅? 所以就唔夠力托起, 兩邊眼頭有輕微鴛鴦。

之前提過我只係做咗 2/3 隻眼 (眼中間至眼尾), 冇做眼頭, 而當時姑娘係建議我情況要做埋眼頭先夠完美, 只係我自己怕誇張唔敢, 而家先知原來消腫後係咁自然, 總之一早聽姑娘講整埋眼頭啦......不過都經已好過未整之前多多聲了 😊

然後突然一日.......

話說我係自費去整非 sponsor, 上次去嗰陣仲全程戴住口罩冇人認得, 不過分享完篇吊線文之後就自然會被發現......

然後突然有一日姑娘 contact 我, 話知道我去咗佢哋度整吊線, 睇到我啲相見到眼頭有少少鴛鴦, 問我有冇興趣返去調整返?? 

既然可以調整至更加對稱, 咁就一不做二不休, 盡早整埋佢啦 💪🏻

呢間嘅最強優點就係除咗包覆診之外, 整完之後如果 touch wood 有咩問題 / 唔對稱 / 條線鬆咗之類等等 (唔怕一萬最怕萬一嘛)......

係包 1 年免費保養調整㗎!!~~ 🎉

係所有吊線客人都包! 已經比其他公司平, 仲要包 1 年保養, 真係嚇死人! 😱

不過好似我呢類明明只整咗 2/3 隻眼, 想返轉頭整全眼嘅 case 呢, 就不包括在內了, 今次係額外幫我整。所以眼皮重的話就記住要聽姑娘建議, 免得重整使多次錢之餘又要腫多次。

又上返呢張電動床 →

有咗一次經驗, 既然上次唔痛, 今次都唔係太緊張 😊

重新畫線調位 →

所謂重整, 係要先拆線後再重新吊線, 並唔係就咁加條線喺眼頭就得。

起初都擔心咁大工程, 會唔會好痛呢? 好彩係除咗打麻醉嗰下流咗幾滴眼水之外, 之後全個過程就一啲感覺都冇, 比上次係更冇感覺, 所以整嗰陣心情仲放鬆過上次 👍🏻

後來問過醫生原來係換咗新麻醉藥, 會更加無痛, 仲連吊線技術都 upgrade 咗, 話會比我上次更加微創, 更快消腫~

啱啱整完一刻 →

同上次一樣剛整完時會誇張啲 + 腫漲啲 + 怪啲, 但並非最終效果, 之後會慢慢消腫變自然的~

我以為今次又拆又整會紅腫過上次啦, 但反而冇紅喎! 只係腫啫 (預咗一定腫幾日), upgrade 咗技術之後似乎真係更加微創, 麻醉效力過咗之後亦唔算痛, 只係覺得眼皮重重哋。

另外醫生係好快手! 幾分鐘就拆完線, 20 mins 左右又再重新吊完線, 仍然同上次一樣好細心 gentle, 經常問住你有咩感覺, 好關心客人感受。以我遇過嘅美容醫生計, 佢都算係最 nice 最有耐性之一喇! 👍🏻

敷完冰袋 20 mins 後落到街再影, 眼皮比上圖消腫咗少少 →

整完第 3 日效果 →

明顯比上一次復原得快咗, 去到第 3 日傷口都好返晒, 今次亦冇出現過任何瘀嘅情況, 改咗技術真係好好多喎! 😃

整完第 5 日 →

消腫得確係比上次快, 驟眼睇人哋係發現唔到剛剛吊咗線。雖然未完全消晒腫, 不過見傷口好返又唔覺痛, 見冇乜嘢我仲已經開始化妝 👍🏻

整完第 8 日 →

仲有丁點腫, 但唔算好覺眼, 又唔紅唔瘀, 唔影響外觀, 唔講唔覺係剛剛做完吊線一星期, 連同事都話仲好過上次~ 

整完第 12 日, 近睇傷口已慢慢消失 →

根據上次經驗, 再隔 1 個月後直頭會見唔到痕跡~

整完第 14 日 →

由內雙眼皮變返雙眼皮, 對眼精神咗好多, 最開心係放假湊仔唔化妝都出得街! 😂

整完第 16 日 →

早前拍嘅 video 大家都應該睇到我個雙眼皮效果, 雖然右邊仍未消晒腫, 但至少行出街冇人知整咗吊線, 以整完 2 星期計算康復得好快, 效果好滿意~ 🥰

整完 3 星期後 →

雖然右邊都係未完全消腫, 不過都只有自己留意到, 人哋睇係唔覺得腫。

最正係而家吊線後眼褶位闊咗, 對眼望上去圓大咗又精靈咗, 連眼尾都冇咁下垂, 仲拉近咗眉眼相距比例, 好正~~~ 

以前內雙眼皮化咩眼妝都褶住冇嘢睇, eyeshadow 要用好深色 / 化到好高先睇到, 成日比人話濃妝 smokey eyes, 其實我都唔想㗎...... 而家係化少少 eyeshadow 已經好顯眼, 終於真正感受到化眼妝嘅樂趣! 🥰

效果係永久? 

係永久, 但就算條線唔變, 正常你過多幾年上面層眼皮都會變鬆下垂, 一定冇初初整完咁挺身, 不過到時想唔想重整又另作別論了, 自己覺得夠就可以不理。

係會整幾多點式?

我問過其實並冇特定, 要視乎個別眼皮情況, 例如我上次整 2/3 隻眼但眼皮重就 5 點, 今次係約 8 點定位。

係咪會痛?

我真心覺得一啲都唔痛, 打咗麻醉係冇感覺, 麻醉散咗之後亦唔算痛, 只係打麻醉嗰下有啲痛, 不過都係 10 秒左右啫, 想靚就要忍一忍, 忍 10 零秒靚一世喎! 😂

會唔會好驚?

會痛就話驚, 唔痛就冇咩好驚, 但少少緊張一定有, 勝在醫生同姑娘把聲好安撫, 又好細心溫柔, 加上全程都閉眼做, 過程又快, 我係完全冇覺得驚。

價錢 + 優惠

我 7 月 book 嗰陣佢哋做緊優惠 $6800 (只包 2/3 隻眼, 中間至尾, 如需整眼頭另加 $3000), 不過而家已經冇咗, 早前已提過 9 月起會加價, 而家係 $8000, 但仍比其他公司平。但平唔平都唔係重點, 最緊要都係效果好, 包 1 年保養亦係優點之一。

另外今次去重整時佢哋主動補咗個「讀者優惠」俾大家, 託我 share 😊

只需 click 入 https://forms.gle/KBWT3yZHYNSYe5qo9 預約免費諮詢, 整完吊線就會有 $1000 coupon 送, 可用來做其他機嘅醫美 treatment, 如 laser 打斑 / 水光 / 膠原槍等等, 就算之前已經去整咗吊線嘅讀者, 都可以 WhatsApp 佢哋補返呢張 coupon 㗎! 🥳

我就用 coupon 打咗可令皮膚自生膠原, 改善凹凸洞, 收細粗大毛孔嘅「膠原槍」→

屬微針 treatment, 過程會有少少痛, 做完塊面又會紅幾日, 不過隔幾日後效果又真係見到毛孔細咗, 整體紋理望上又飽滿啲~

華廷 Grand Palace Medical Group

FB 專頁:  https://www.facebook.com/gpm.hk/

btw 我上次攪錯咗以為幫我整嗰位醫生姓鄧, 今次再問返其實係姓郭, 係 Dr.Kwok 😝